Топты анықтау барысында мынадай шарттарды ескерген жөн: - Нақтылық - мүмкіндігінше көп және нақты мәлімет бере алатын адамдардан ақпарат алуға тырысу қажет.
- Бейтараптылық - саяси немесе этникалық жағдайда қоғам мүшелерінен сауалнама алуға талпыну қажет.
- Сапалылық - зерттеу жұмысын жасамас бұрын мәлімет алатын ортаның сапалық ерекшелігін алдын ала тексеріп алған жөн, олай болмаған жағдайда бүкіл зерттеу жұмысы зая кетуі мүмкін.
- Жоспарлылық - зерттеуді бастамас бұрын зерттеу жұмысының статистикалық құрылымы туралы кеңесіп алған жөн.
Сауалнаманың мақсат етілген тобынан алынғандығын тексеру қажет. Сауалнама зерттеу әдісінің көп әдісінің бірі ғана, бір сауалнаманың өзінің артықшылықтары мен кемшіліктері бар екенін ескерген жөн.
Қазіргі кезде сауалнама алу ғаламтор арқылы тез, әрі жылдам жүзеге асырылады. Ғаламторды қолдана отырып, электронды поштамен сауалнаманы таратуға болады. Хат жазу арқылы қарапайым пошта қызметін қолдану міндетті емес және сауалнаманы жаяу жүріп тарату бұл жұмыстың басқа түрі. Электрондық пошта арқылы сауалнаманы алу нақты бір адамдардан алуға және олардың жауап беруіне ыңғайсыздық тудыратын сауалдарын қоюға қолайлы әдіс. Дегенмен, кемшілігі: жауапты қанша адамнан қашан алуды білу қиын. Сонымен қатар, тұлғалық ақпаратты жасауды да ойлаған жөн, себебі кейбір елдерде азаматтар туралы ақпарат жинауға немесе қолдануға тиым салынады.
