1-тапсырма. Зерттеу.
Мұғалім «Менің кішкентай достарым» атты жаңа сабақ тақырыбын ашу мақсатында балаларға оқулықтағы үй жануарлары салынған суретті көрсетеді. Олар жөнінде пікір алмасу мақсатында берілген мәтінді оқиды. «Балалар! Сендерді ата-аналарың кейде еркелетіп, «қозым», «ботақаным», «қошақаным», «құлыншағым» деп түрлі сүйкімді төлдердің атауымен атайды. Жануарлар мінсе – көлік, ішсе – сусын, жесе – тамақ, кисе – киім. Қазір қолға үйретілген үй жануарлары көп: қоян, тауық, ит, мысық және тағы басқа. Сондай-ақ өздеріңе таныс көптеген дала жануарлары да бар: барыс, қасқыр, түлкі, ақбөкен, суыр, тасбақа, тышқан. Олар Қазақстанда өте көп». Мұғалім оқылымнан кейін зерттеу тапсырмасына көшеді.
«Үй жануарын тауып ал» зерттеу тапсырмасы. Сурет түрінде берілген ойыннан балалар үй жануарларын табады.
(Ұ) Әнді тыңдауға да, орындауға да болады. Балалар әуеннің ырғағын қолдарымен соғып көрсетеді. Білімдерін пысықтау мақсатында оқулықта ұрып ойнайтын аспаптарды ажырату үшін баян, фортепиано, қобыз, қоңырау, домбыра, барабан аспаптарының суреті берілген.
3-тапсырма. Орындау. Талқылау.
(М) Сабақта орындалатын ән – композитор Аблахат Еспаевтың «Ақ тайлақ» әні (өлеңін жазған: Ә.Дүйсенбиев).
Композитор жөнінде қысқаша мәлімет беріп өтуге болады.
Аблахат Смағұлұлы Еспаев (1925-1980) Қостанай қаласында дүниеге келген. Белгілі композитордың «Ортеке», «Ойлан тап», «Ұстазым менің, ұстазым» әндері – балалар музыка қорына қосқан асыл мұрасы. Мұғалім оқушылармен ән мазмұнын талқылайды. Ән мажорлы, көңілді орындалады. Мұғалім оқушының кварталық секірілімі таза орындауына назар аударуы тиіс.
Оқулықтағы суреттен қай аспап ұрып ойналатынын көрсетеді.
Балалар композитор Аблахат Еспаевтың «Ақ тайлақ» әнінің (өлеңін жазған: Ә.Дүйсенбиев) шумағы мен қайырмасын үйренеді.
(М.О) Балалар ән мазмұнын мұғаліммен бірге талдап, өз орындауларына баға беруге тырысады.
- Қай әуеннің тұсы дұрыс айтылмады?
- «Жылқышының әні» мен «Ақ тайлақ» әннің ырғақтарының қайсысы әнге, қайсысы марш ырғағына жақын?
(М.О) Бағалау:
-Қай әнді жақсы сипаттай алдым?
- «Ақ тайлақ» әнін орындауда қандай қиындықтар болды?
Рефлексия. «Бағдаршам»
Қызыл- бүгінгі сабақты түсінбедім.
Сары-сабақтың кейбір жерлерін түсіндім.
Жасыл-сабақта барлығын түсіндім.
