Суда еритін фосфор тыңайтқыштары. Суда еритін фосфор тыңайтқыштарын (суперфосфаттарды, суперфосты) барлық топырақтарға, барлық ауыл шаруашылығы дақылдарына кез келген тәсілмен (негізгі тыңайту, қатарлап, үстеп қоректендіру ретінде), кез келген мерзімде қолдануға болады.
Жай суперфосфаттың құрамында гипс болғандықтан, оны сортаңдалған топырақтарға қолданған тиімді. Құрамындағы гипс мелиорант рөлін атқарады.
Гипс құрамында күкірт болуына байланысты жай суперфосфат күкірт сүйгіш бұршақ және крестгүлдер тұқымдас өсімдіктеріне оң әсер береді.
