Егіншілкті химияландырудың проблемалары

• 
  тыңайтқыштар қолданудан бас тарту егіншіліктегі баламалы бағыттармен салыстырғанда егіншілік өнімділігінің 20-30%-ға және одан да көп кемуіне, ал тыңайтқыштар қолдануды азайту – топырақтағы қара шіріндінің күрт кеміп кетуіне әкеп соғады. Соңғы 40-50 жылда қаратопырақты жерлердегі қара шірінді 22-25%-ға, қоңыр топырақты мен сұр топырақты жерлерде 14-30%-дан астам азайып кетті, осының салдарынан өсімдіктердің, әсіресе бидайдың түсімділігі мен сапасы төмендеп барады;
  
• 
  минералдық тыңайтқыштар құнының қымбат болуы ішкі және сыртқы рыноқтарда оларды бәсекеге қабілетсіз етеді;
  
• 
  елімізде өндірілетін минералдық тыңайтқыштардың түр-түрі аграрлық сектордың қажетін қамтамасыз етпейді, отандық зауыттар калийлі және азотты тыңайтқыштарын өндірмейді;
  
• 
  аграрлық сектордың шаруашылықтарында минералдық тыңайтқыштар енгізетін арнаулы техника жоқ;
  
• 
  тыңайтқыштар бағасының қазіргі жағдайында оларды қолдану ауылдағы тауар өндірушілердің шығындарын ақтай алмайды, яғни рентабельді емес;
  
• 
  ауыл шаруашылығы мақсатындағы жерлер құнарлылығының мониторингі жүргізілмейді, соның салдарынан минералдық тыңайтқыштарды қолдану жөніндегі ұсыныстар жоқ.
  

1-тақырып. ӨСІМДІКТІҢ ХИМИЯЛЫҚ ҚҰРАМЫ ЖӘНЕ ҚОРЕКТІК ЭЛЕМЕНТТЕРДІҢ ШЫҒАРЫЛУЫ

1. Өсімдіктің химиялық құрамы.

Өсімдіктің дұрыс қоректенуі жоғары өнім жинаудың кепілі болып саналады. Өсімдіктің қорегі үшін химиялық элементтер пайдаланады.