Сабақтың мақсаты: Абылай ханның XVIII ғасырда әлемдік деңгейдегі мемлекет басшысы, қолбасшы, дипломат болғанын айқындау

1. 
   Абылайдың жеке тұлғасына тоқталу;
   
2. 
   Қазақ хандығының жоңғарлармен, Ресей, Қытай, Орта Азия мемлекеттерімен саяси байланысын ашып көрсету;
   
3. 
   Абылай ханның жүргізген реформаларын талдау;
   
4. 
   Абылай ханның қазақ тарихында алған рөліне баға беру.
   

1. Интерактивті тақта;

2. Әр топтың презентациялары;

3. Абылай ханға арналған қабырға газеті;

Сәлеметсіздер ме оқушылар! (Оқушыларды түгендеу)

1. Абылай қазақ хандығының аса көрнекті саяси және мемлекет қайраткері

2. Абылай ханның сыртқы саясаты

3. Абылай және 18 ғасырдағы қазақтың би, батыр, жыраулары

4. Абылай тұлғасы және оның қазақ тарихындағы орны
Мұғалімнің кіріспе сөзі.

“Қазақтың дербес ел болуына, әрі-беріден соң қазақтың қазақ болуына, басы қосылып, бір жеңнен қол, бір жағадан бас шығаруына ерен еңбек сіңірген Абылайдан артық адам болмас”,- деп М.О.Әуезов айтқандай, биылғы жылы 300 жылдық мерейтойы аталып жатқан Абылай ханның қазақ тарихында алар орны ерекше. Бүгінгі жаңа сабағымыздың тақырыбы: «Қазақ жерлерін біріктіру жолындағы Абылай ханның күресі». Бүгінгі сабағымызда біз қандай мақсатқа жетуіміз керек деп ойлайсыздар?

Сабақтың түрі: ізденіс сабағы. Сынып оқушылары 4 топқа бөлініп, алдын-ала тапсырмалар берілген. 1-топтың ізденіс тақырыбы: «Абылай ханның саясаты», 2-топтың ізденіс тақырыбы: «Абылай хан билігі кезіндегі Қазақ хандығының жоңғарлармен, Ресей, Қытай, Орта Азия мемлекеттерімен саяси байланысы», 3-топтың ізденіс тақырыбы: «Абылай және қазақтың би, батыр, жыраулары», 4-топтың ізденіс тақырыбы: Абылайдың тұлғасы және оның қазақ тарихында алатын орны».

Оқушылар топ ережесімен таныстырылады.

1. Әр топқа презентацияларын қорғауға 8 минуттан уақыт беріледі.

2. Барлық топтар бір-бірін назар салып мұқият тыңдауы қажет

3. Қажетті мәліметтерді дәптерлеріне жазып алуға болады

Әр топқа бағалау парағы үлестіріледі. 1 топ 2 топ

3 топ 4 топ

Ал енді әр топты өздеріне берілген тақырыптарымен таныстыруға шақырамыз.

Қаралатын мәселелері: Абылайдың қысқаша шығу тегі, билікке келу жолы, Абылайдың хандық билік құрған кездегі жасаған реформалары.

Қаралатын мәселелері: Абылайдың кезіндегі қазақ-жоңғар, қазақ-орыс, қазақ-қытай қарым-қатынастары. «Мәдени мұра» бағдарламасы аясында Абылайдың дипломатиялық қызметіне қатысты табылған тың мәліметтер.

Қаралатын мәселелер: Ел билігі тізгінін қолда ұстаған қазақ билері, жоңғарға қарсы күрескен қазақ батырлары, батырлардың ерлігін, халықтың бірлігін т.б. мәселелерді жырлаған жыраулар. Олардың Абылай ханмен қарым-қатынасы.

Қаралатын мәселелер: Абылайдың мінезі, тұлғалық қасиеттері, замандастары мен тарихшылардың оған берген бағасы. Абылай ханның қазақ тарихында алатын орны.

Әр топқа өз тақырыптары бойынша 2 сұрақтан құрау тапсырылады. 2 минут уақыт беріледі. Сұрақтарды 1 топ 2 топ

3 топ 4 топ

Оқушылардың шығармашылық жұмысы:

Осы тақырыпқа қатысты көріністі тамашалайық. «Жоңғар тұтқынындағы Абылай». (Қ.Жұмаділовтің «Дарабоз» романынан үзінді); Абылай ханға арналған өлең оқу, сурет салу

- Уа, төрт ойраттың көш бастар серкесі, ұлы қонтайжы Қалдан Церен, аман-есен барсың ба? Қазақтың орта жүзінің ханы, Шыңғыс әулеті Абылай дәм айдап құзырыңа келіп тұр!

• 
  Ым-м... Солай де. «Абылай-Абылай» деп шулатып жүрген қазақ ханы сен екенсің ғой?! Дегенмен анығын айтшы: сені мұнда дәм айдап келді ме, әлде адам айдап келді ме?
  

• 
  Біздің қазақта: «Адам айдаса барман, дәм айдаса қалман» деген сөз бар. Соғыста аз адаммен қоршауда қалып, қапыда қолға түскенім рас. Бірақ ол үшін өкінбеймін. Сірә, құдай-тағала ұлы қонтайжымен бет көрісудің орайын осылай келтірген болар...
  

• 
  Солай де... Аяқты қалай-қалай тастайды қазақтың мына жас бөрісі?! Айтпақшы, осыдан он жылдай бұрын Алакөл бойындағы ұрыста менің немере інім Шарышты мерт қылған Абылай сен емессің бе?
  

• 
  Иә, дұрыс айтып тұрсыз, мархабатты қонтайжы.
  

• 
  Ендеше, сенің мойнында біздің ханзаданың қаны бар. Осы сені дәм тартып келмей, қан тартып келген жоқ па екен? Өзің білесің, біздің ойратта қанға – қан, жанға – жан алмай тынбайды...
  

• 
  Иә, ана бір жылдары менің қолымнан бір туысыңыздың мерт болғаны рас, бірақ мен оны қан майданда, адал жекпе-жекте өлтірген сияқты едім. Соғыс құрбандықсыз болмайды, Ұлы мәртебелім. Егер баяғыдан бері ұрыста өлген қазақ пен қалмаққа түгел құн төленетін болса, онда екі жақта да тігерге тұяқ қалмас еді.
  

• 
  Ханның да, қасындағы серіктерінің де аяқ-қолын босатыңдар! Құрметті қонаққа төрден орын сайландар!
  

Мұғалім: Әлемдік деңгейде белгілі тұлғалар енгізілген «Адамзат күнтізбесі» атты энциклопедия бар. Осы құнды кітапта екі ғана қазақ туралы мәлімет бар. Бірі – Абылай хан болса, екіншісі – Елбасы Н.Ә.Назарбаев. Ендеше, осынау екі тұлғаның кезіндегі Қазақ елінің ішкі, сыртқы саясатында қандай ұқсастықтар бар екенін анықтайық.

1. 
   Қазақстан тарихы. 10 сынып
   
2. 
   «Аңыз адам» журналдары (Бұқар жырау, Қаракерей Қабанбай, Қанжығалы Бөгенбай, Шапырашты Наурызбай)
   
3. 
   www.google.kz