а) Білімділік : лексикадан өтілген материалдарды теориялық тұрғыдан қайталай отырып, практикалық тұрғыдан жүзеге асыра білуді қалыптастыру, іскерлік дағдыларын тексеру, білімдерін бекіту;
ә) Дамытушылық: сөз байлығын молайту, сөздік қорын байыту, өзіндік ізденістерін, ойлау қабілетін жетілдіру, топпен жұмыс жасай білуге үйрету, пәнге деген қызығушылығын арттыру;
б) Тәрбиелілік: сөз мағынасын келістіре құбылтып, сөз құдіретін сезіне білуге, сөз қасиетін терең ұғынуға, достыққа, ізденімпаздыққа, жауапкершілікке тәрбиелеу.
Сабақтың типі:танымдық сайыс сабағы.
Сабақтың түрі: қайталау сабағы.
Сабақ өту әдісі: топтастыру, сұрақ-жауап, топпен жұмыс, талдау, тест.
Сабақтың көрнекілігі:тест, кроссворд, интерактивті тақта, т.б.
Пәнаралық байланыс: әдебиет.
Сабақ барысы:
1. Ұйымдастыру бөлімі:
1) оқушыларды түгелдеу, топқа бөлу.
2. Үй тапсырмасын сұрау:
1-топ. Диалект сөздерді қатыстырып сөйлем қарау.
2-топ. Кәсіби сөздерді қатыстырып мәтін құрау.
3-топ. Термин сөздерді қатыстырып сөйлем құрау.
3. Қызығушылықты ояту.
“Топтастыру” стратегиясы
4. Зымыран сұрақтар
1. Лексика дегеніміз не, нені зерттейді?
2. Сөз бен мағына деген не?
3. Сөздің тура және ауыспалы мағынасы деген не?
4. Көп мағыналы сөздер дегеніміз не?
5. Омонимдер дегеніміз не?
6. Синонимдер дегеніміз не?
7. Антонимдер дегеніміз не?
8. Табу дегеніміз не?
9. Эвфемизм мен дисфемизм дегеніміз не?
10. Тұрақты тіркестер дегеніміз не?
11. Мақал-мәтелдер дегеніміз не?
12. Сөздік қор дегеніміз не?
13. Көнерген сөздер дегеніміз не?
14. Жалпылама лексика дегеніміз не?
15. Кірме сөздер дегеніміз не?
16. Диалект сөздер дегеніміз не?
17. Кәсіби сөздер мен термин сөздер дегеніміз не? 5. Топпен жұмыс
1 - топ
Сөз тіркесінің құрамындағы сөздерді тура және ауыспалы мағынаны білдіруіне қарай топтап жаз.
а) Терең ой, терең ор, терең су, терең білім, терең сезім, терең құдық.
ә) Қатты жел, қатты қол, қатты жер, қатты жүрек, қатты сөз, қатты құрт.