Ұстаз ойы. Тұңғиық тереңіне батып, қандай ойдың құшағында отырсың , шәкіртім Олжас? Балалықпен талай тентектіктер жасадың. Өмірде қателеспейтін адам болмайды. Оның қателігін көруге емес, түзетуге көмектес деген. Мен де саған бар тәлім-тәрбиемді беріп, ұғындыруға тырыстым. Білім нәрімен қоса тәрбие дәнін себе алдым ба? Оны уақыт өзі көрсетер. Бүгінгі сабырлы жүзің мен салмақты мінезіңе мен таңырқап та, қуанып та отырмын. Осы бағытыңнан таймай, алда келе жатқан үлкен «өмір баспалдағынан» енді қайтып қателеспегейсің деп іштей тілек тілеймін, шәкіртім.
