Анасы: Ой, осы дайындығына күнде кетіп жатады. Ай, мені алдап жүрген болды ғой! Мұғалім: Иә, апа, өзіңіз айтқандай, қиындық келтіріп жүрген оқушының бірі осы – Олжас. Мен де сол Олжастың тәртібі туралы сөйлескелі келдім. Бүгін бір қоңыраудың өзінде бірнеше бұзықтықтар жасады. Анасы: Олжас, Олжас дегенге сендер тек менің баламды ғана айта береді екенсіңдер-ау, жалғыз сол дейсің бе, өзгелер де бар шығар. Мұғалім: Жоқ, апа, сіз ренжімеңіз, бала тәрбиесі бәрімізге ортақ. Сіздің балаңыздың жақсы болуын мен де қалаймын, сондықтан да, осындай ұсақ-түйек демей жіберген қателіктерін дер кезінде бір-бірімізбен ақылдаса отырып, баланы тәрбиелемесек кейін өкініп қалып жатамыз. Анасы: Екі жақты болып тәрбиелейік. Мен саған ашумен ренжіп жатырмын, кім баласын жаман десін, «Қарға баласын аппағым» дейді. Мен де Олжасты тентек дегенге ренжіп қалып жатырмын ғой. Кешір шырағым.
