Сабақтың тақырыбы: Кәрім Сауғабаев. «Нан туралы өлең»

1. «Нан туралы өлеңді» түсіндіре отырып, оқушыларға қасиетті тағамның бірі - нан екенін, нанның дастарханға қалай келетіні туралы толықтыру.

2. Ақынның нан туралы өлеңімен таныстыра отырып, өлеңді мәнерлеп оқуға машықтандыру, мәнерлеп оқуын, дикциясын қалыптастыру, ойлау, есте сақтау, шығармашылық қабілеттерін дамыту.

3. Нанды қастерлеуге, ысырап етпеуге, еңбекті бағалай білуге, еңбек адамдарын сыйлай білуге тәрбиелеу.

1- слайд: «Әдептіліктің белгісі- иіліп сәлем бергені » дегендей, қане балалар бәріміз бір- бірімізбен иіліп амандасып, бүгінгі күнге жақсы тілектерімізді айтайық. Барлығымыздың оқу құралдарымыз дайын ба? Онда сабағымызды бастайық.

Асқар Тоқмағамбетовтың «Түлік туралы сабақ » өлеңін жатқа айту.

А. Тоқмағамбетов деген кім?

- Балалар неге таласты?

- Жасына қарай қойды қалай атайды?

- Сиырды ше?

- Жылқыны ше?

- Түйені ше?

- Төрт түліктің иелері кімдер?

- Түліктердің бізге қандай пайдасы бар? Олардың етін, сүтін не ретінде пайдаланамыз?(ас).

- Біздің дастарханымыздың ең қасиетті, ең үлкен асы не деп айтуға болады?

ІІІ. Жаңа сабақ.

Біздің бүгінгі тақырыбымыз- Кәрім Сауғабаевтың «Нан туралы өлеңі».

Кәрім Сауғабаев 1941 жылы қазіргі Қазыбек би ауданында дүниеге келген.  Ақын, жазушы, аудармашы. Шығармалары: «Мойындау» (1973), Көктем келді, алақай!» (1975), «Ақша қар» (1980), «Сылдырмақ» (1993).

Күннің жадын, тақырыпты, ақын өмірі туралы жаздыру.

Суреттен нені көріп тұрсыңдар? (нандарды)

Нанның қандай түрлері бейнеленген? Тоқаш, таба нан, т.б.

« Нан – дастархан байлығы ».

Енді біз нанды басқа елдерде қалай аталатынына тоқталып өтейік.

4 – слайд. Нанның басқа елдерде аталуы.

Таба нан, бауырсақ (Қазақстан)

Каравай (Ресей, Украина, Беларусь)

Бейгл (АҚШ)

Бисквит (Батыс Европа)

Брецель (Германия)

Бриошь (Нормандия, Франция)

Наан (Индия)

Тандыр-нан (Орта Азия)

Лаваш (Кавказ)

Юха (Әзербайжан)

Маца (Израиль)

Пита (Таяу Шығыс)

Пицца (Италия)

Тортилья (Мексика)

Фолар (Португалия)

Француз багеті (Франция)

Чапати (Индия)

Қара нан (ТМД)

Вестфаль наны (Германия)

Өлеңді мәнерлеп оқып беремін.

Оқушыларға тізбектей оқытамын.

Өлеңді сұрақ – жауап арқылы талдатамын.

• 
  Өлеңде қай сөз жиі айтылады? Неліктен?
  
• 
  Ақын нан туралы не дейді?
  
• 
  Өлең арқылы не айтқысы келді деп ойлайсыңдар?
  
• 
  Нан дастарханға қалай келеді?
  

- Нанға байланысты қандай ырым –тыйымдарды білесіңдер?

Нанды бір қолмен үзуге болмайды. Ол кесір болады.

 Нанды төңкеріп қоюға болмайды.

Сергіту сәті «Жалғастыру » ойыны.

    Мақал-мәтелдерді жалғастыр:

1.     Дастарқанында наны жоқтың, (Тамағының сәні жоқ).

2.     Қамбасында дәні жоқтың, (Дастарқанында наны жоқ.)

3.     Тістем нанның қадірін (Тарыққанда білерсің).

4.     Қоныс көркі там (Дастарқан көркі нан).

5.     Нан- тамақтың атасы (Ынтымақ – көптің батасы).

Сөзжұмбақта нанды біздің дастарханға қою үшін еңбек ететін адамдардың мамандықтары жасырылған.

1. Ұннан нан пісіретін кім? (наубайшы)

2.Жерді кім жыртады? (тракторшы)

3.Бидайды диірменге көлікпен кім апарады?(жүргізуші)

4.Піскен егінді кім жинайды?(комбайншы)

5.Ұнды тартады.(диірменші)

6.Халыққа нанды кім сатады?(сатушы)

7.Егінді кім суарады?(диқаншы)

8.Қоймадағы нанды кім қарайды?(қоймашы)

Ү. Қорытындылау

-Қандай жаңа сабақ өттік?

Кестені толтыру: Не білемін? Не білгім келеді? Біліп алдым?

ҮІ. Бағалау.

Жақсы қатысқан оқушыларды бағалаймын.

ҮІІ. Үйге тапсырма.

Өлеңді мәнерлеп оқу. Нан туралы өлең шығару.