-материалмен өз бетімен жұмыс істеуге керекті білім және іскерліктерді оқушылардың жадында бекіту барысында материалды терең түсінуіне жағдай жасау;
Білімдер мен іскерліктерді бекіту;
Меңгерген білімдерімен қатар, жаңа ұғымдарды қалай түсінгенін байқау;
Білімге сәйкес келетін дағдылар мен іскерліктерді бекіту;
Үй тапсырмасын орындау жөнінде нұсқаулар беру кезеңі
Оқу-тәрбиелік міндеттері: үй тапсырмасын оқушыларға хабарлау, оны орындау әдістемесін, орындаудың қажеттілігін, міндеттілігін оқушыларға түсіндіру.
Кезеңнің мазмұны: • сабақтың қорытындысын шығару; • оқушыларды үй тапсырмаларын орындауға ынталандыру: оқушының білімге құмарлығын ояту (мәселені қызықты етіп қою); борыш сезімін ояту, баланың икемділіктері, талап тілектерін ескеру; • үй тапсырмаларын орындау жөнінде толық, бірақ қысқа нұсқау беру. Оқу материалын бекітуге, оқушылардың жеке қабілеттерін дамытуға көмектесетін тапсырмалар беру. Үйге берілетін тапсырманы оқушының қабілетін, әсіресе дарынды балалардың қабілетін дамыту үшін қолданған дұрыс. Үй тапсырмалары - оқушылардың оқуға қызығушылығын дамытудың, адамгершілік сапаларын, дүниетанымын қалыптастырудың құралы. Мұғалімнің үй тапсырмаларын дұрыс орындатуы үйдегі оқу жұмысының, сабақтың сапасын жақсартады.
Оқушылардың білімін бағалау
Оқушылардың білімін бағалауға қойылатын талаптар:
Білім, білік, іскерлік, дағдыны тексерудің әр түрлі тәсілдерін қолдану;
Бағаның әділ қойылуы;
Оқушының өзін-өзі және басқаны бақылауы және бағалауы;
Бағалау-бақылау процесінің әрбір баланың оқу үлгерімінің төмендеуіне, көңіл күйінің жақсы болуына көмектесу;
Қазақстанда оқушылардың білімін бағалаудың жаңа тәсілі енгізіледі
Қазақстанда оқушылардың білімін бағалаудың жаңа тәсілі енгізіледі
Бұл туралы Үкімет отырысында "Оқушылардың функционалды сауаттылығын дамыту жөніндегі 2012-2016 жылдарға арналған Ұлттық іс-қимыл жоспарының орындалу барысы туралы" баяндама жасаған ҚР Білім және ғылым министрі Бақытжан Жұмағұлов мәлім етті.
Функционалды сауаттылықты дамыту білім-түсіну-қолдану-жүйелеу және жинақтау сияқты критерийлер бойынша оқу жетістіктерін бағалаудың жаңа тәсілдерін талап ететіндігін баса айтқан ол: "Біз мұндай жүйені әлемдік тәжірибені жан-жақты зерттеу арқылы енгіземіз", - деді.
Бұл орайда Б.Жұмағұлов қазіргі уақытта елімізде мектеп оқушыларының білім деңгейін бағалауда қолданылып жүрген жүйедегі 5, 4 және 3 бағалары не үшін қойылатындығы нақты анықталмағандығын баса айтты. "Сондықтан да біз мектептердегі барлық сыныптар үшін барлық пәндерде әртүрлі деңгейдегі бақылау тапсырмалары жүйесін құруды қолға алдық", - деді министр.
