Ескерту: шараны тәулігіне 3-4 рет қайталау.
Нәтижені бағалау: кіндік жарасы таза, құрғақ.
Ерте жастағы балаларға жел шығарғыш түтікше қою
Мақсаты: ішектегі газды сыртқа шығару.
Көрсеткіші: метеоризм, тоқ ішекке ауаның жиналуы.
Кері көрсеткіш: жоқ.
Керекті құралдар:
Вазелин майы.
Резеңке қолғап, алжапқыш.
Клеенка, жөргек, дез.ерітінді.
Сүлгі.
Жел шығарғыш түтікше.
Суы бар ыдыс.
Іс-әрекет алгоритмі:
Анасына шараның мақсаты мен өткізу ретін түсіндіру.
Керекті құралдарды дайындау.
Қолды гигиеналық әдіспен өңдеу, құрғату, резеңке қолғап кию.
Қатты, тегіс жерге клеенка және жөргекті төсеу.
Жел шығарғыш түтікшенің ұшын вазелин майымен майлау.
Баланы сол жақ қырына аяқтарын бүктіріп жатқызу, 6 айға дейінгі баланы шалқасынан, аяқтарын жоғары көтеріп жатқызу.
Сол қолмен баланың жамбасын ашу және сол қалыпта ұстау.
Жел шығарғыш түтікшенің ұшын қысып ұстап анальды тесікке кіндіктің бағытында1-2 см. енгізу, өткен соң омыртқа жотасына қарай жылжыту.
Жел шығарғыш түтікшенің екінші ұшын суы бар ыдысқа салу.
Баланың іші сағат тілінің бағытында сипалау.
Суы бар ыдыста ауа көпіршіктерінің шығуы тоқтаған соң, түтікшені салфеткамен ұстап шығару.
Клеенка, жөргекті дез.ерітіндіге салу
Дефекациядан кейін баланың жыныс мүшелері жуу. Сүлгімен құрғатып сүртіп, табиғи қыртыстарын майлап баланы киіндіру.
Алжапқышты шешіп дез.ерітіндіге салу.
Қолғапты шешіп қорапқа салу, қолды жуу және құрғату.
Ескерту: Жел шығарғыш түтікшені енгізу тереңдігі жаңа туған нәрестеге-6-8 см.
Достарыңызбен бөлісу: |
