Сценарий Құрметті сайт қолданушылары!

Жарияланды 10-02-2016, 16:23 Категориясы: Сценарий 

Сабақ үлгісі: Жүктеу

Сабақ жоспарын bilimdiler@yandex. ru почтасына жіберу қажет (ворд нұсқасын прикрепить етіп).
Бәйгеге қатысу үшін төмендегі үлгідегідей аты-жөніңізді, сабағыңыздың тақырыбын толық жазып бізге жіберіңіз! Сабақ сайтқа жарияланған соң реквизиттер жіберіледі.

Ақмола облысы, Шортанды ауданы,

Барлық қатысушылар - сертификатпен және сайт атынан алғыс хатпен марапатталады. Үздіктер - дипломмен, сертификат және алғыс хатпен марапатталады. Ең үздіктері - ақшалай сыйлық алады. Барлық орын алған ұстаздардың бәйге соңында суреттері сайтқа жарияланады.

1. Аманкулова Айгуль Жуманазаровна

№6 мектеп-гимназияның биология пәні мұғалімі

Бәсекеге қабілетті білім кеңістігін құруға бағытталған Қазақстандық білім беру реформасының басты мақсаттарының бірі инновациялық технологияларға сүйене отырып, оқушының бойында шығармашылық ойлауды, үйлесімді дамуына қолайлы жағдай туғызу нәтижесінде оның өз мүмкіндіктерін жоспарлы пайдалана білуіне қол жеткізу арқылы тұлға біліктілігін қалыптастыру.

Сыни ойлауды дамытудың дәстүрлі оқытудан басты айырмашылығы білімнің дайын күйінде берілмеуі. Сыни тұрғысынан ойлаудың өзіне тән рефлексиялық ойлау дағдылары бар. Соның ішінде пікірлерімен, ойларымен, сұрақтарымен жұмыс жасау шеберлігі шыңдала бастайды. Сонымен қатар басқа оқушылардың пікірлеріне салыстырмалы баға бере білуді үйренеді. Сабақтарымда қолданған сыни тұрғыдан ойлау стратегиясының әдістері оқушылардың қызығушылығын арттыра біледі деген сенімдемін. Себебі, келесі сабақты қалай оқимыз, бүгін де басқаша сабақ өтейікші деген ұсыныстар оқушылар тарапынан түскенде, мұғалімде де сабақты қызықты әрі мазмұнды өткізуге деген талпыныс арта бастайды.

Сын тұрғысынан ойлау сабақтарының алғы шарттары:

1. 
   Сабақты белсенді өткізіп, әр баладан еркін жауап алуға жағдай жасау.
   
2. 
   Сенімділікке тәрбиелеу үшін баланың жауабын санмен бағаламау.
   
3. 
   Қиялын дамыту үшін «менің ойымша» деген жауапқа дағдыландыру.
   
4. 
   Әр түрлі жауапқа бірдей қарау, жақсысын мадақтап, нашарын сынамау.
   
5. 
   Тіл байлығын дамыту үшін, қалайда жауапты соңына дейін тыңдау.
   
6. 
   Жауап беруге тілек білдірмеген баланы өз еркінсіз, қинап сұрамау
   
7. 
   Баланың дүниетанымының кеңіп, рухани өсуіне әр сабақта жағдай жасау.
   
8. 
   Жеке тұлға ретінде «мен» деген рөлін көтеру, өз пікірін қалыптастыру.
   

Тақырыпты өзігінен меңгертудегі тиімді әдістерін ұсынып отырмын.

Оқушыларға жадынама

1. 
   Мәтінді мұқият оқып, оқу барысында негізгі ойларды қысқаша түртіп алу. Мәтінге қатысты суреттер мен олардың бөліктерін түсінуге тырысу.
   
2. 
   Қысқаша жазуға тырысу.
   
3. 
   Бір ойды екінші ойдан бөліп алу.
   
4. 
   Оқулықпен жұмыс тапсырмаларын орындау.
   
5. 
   Оқу материалдарындағы жаңа терминдер мен ұғымдарды бөліп алу.
   
6. 
   Мәтінді талдау, басты ойды бөлу.
   
7. 
   Мәтінге сұрақтар құру.
   
8. 
   Оқулық мәтіні бойынша кесте құру.
   
9. 
   Мәтіндегі басқа пәндерге де қатысы бар сөздерді анықтау
   

1. (жеке тапсырма) Оқулықтың “жорғалаушылар класы” тақырыбын мұқият оқыңдар, мәтінде қандай жануарлар сөз етіледі? Олар туралы не білесіңдер?

2. (жұптық тапсырма) Танымдық сұрақ: Күздің салқын күндерінің бірінде Вьетнамнан Ресейдің зоологиялық орталығына 24 айдаһар жылан әкелінді. Жыландарды қабылдап алған маман қорықпай, олардың әрқайсысын қарай бастады. Жыландардың тыныштық сақтағанына қарап, кедендегілер оларды зоолог сиқырлап қойған болар деп шешті. Айдаһар жыландардың осы мінез –құлқына дұрыс түсініктеме беріңдер

1-топ: мәтінді оқып сұрақтар дайындау

2- топ: мәтінді оқып, жаңа түсініктер мен термин сөздерді жазып, анықтама беру

3-топ: мәтінді оқып, тірек сызбалар құрастыру

Тек мәтіндермен шектеліп қана қоймай топтық тапсырмаларды орындауда түрлі тірек-сызбаларды құрастыруды үйрету арқылы оқушылардың таным белсенділіктерін арттыруға болады.

Қорыта айтарым, оқушы оқу үдерісіне белсенде қатысқанда ғана берілген материалды терең меңгере алады, мағынасын ажырата алады, өз-өздерін тексеруге және өзгені бағалауға қабілетті болады. Бұл кезекте сындарлы оқыту теориясының маңызы өте зор. Сабақтарда оқушылардың өзін-өзі реттеу дағдысы қалыптаса бастайды. Бұған дейін мұғалімнің түсіндіруімен ғана тақырыпты түсінуге дағдыланған оқушылар сабақ барысында өз ойын айта алатындай мүмкіндікке ие болады. Зертеудің кішігірім түрін мен де пайдаландым. Зерттеу нәтижесінде оқушылар сыни ойлай алды. Сындарлы пікірлер айта алды. Сыни қабілеттерін көрсете алды. Сыни ойлау қабілеттерін шыңдау барлық мұғалімдердің құзырында деп білемін. Сондықтан да алдағы жұмыс барысында сыни тұрғыдан ойлауға үйретуде оқушылардың сыни ойлана бағалауын дамытуымыз қажет.

Сын тұрғысынан ойлауды дамыту сабақтарының негізінде сабақта оқушылар арасында:
- бір-бірінің пікірін тыңдауға, сыйлауға ынтымақты қарым-қатынастың негізі қаланды;
- өзін жеке дара тұлға ретінде тануға жол ашты;
- бір-біріне құрметпен қарады;
- өз ойын ашық, еркін айтып, пікір алмасты;

Пайдаланылған әдебиеттер:

1. Мұғалімге арналған нұсқаулық (үшінші басылым) 2012ж

2. Биология анықтамалығы (2012ж №4)