Бримжанова Алмагүл Айтказиевна
бастауыш сынып мұғалімі
Жарқайың ауданы «Тассуат негізгі мектебі» КММ
Тақырыбы: СӘКЕН СЕЙФУЛЛИН «НАУРЫЗ»
Мақсаты:
Білімділік:
Оқушыларға Сәкен Сейфуллиннің «Наурыз» атты өлеңін мәнерлеп, түсініп оқуға үйрету; өлең мазмұны арқылы кең байтақ туған жеріміздегі көктем маусымы, ұлт мейрамының маңызын түсінуге жағдай жасау.
Дамытушылық:
Оқушыларды өлең, мақал-мәтел арқылы тілдік қорларын дамыту, өз ұлтына деген сүйіспеншілігін ояту, өлеңнің өзекті түйінді ойын ашуға жағдай жасау, өз бетінше жұмыс істеуге баулу, шығармашылық ойлауын дамыту.
Тәрбиелік:
Табиғатты аялауға , құрметтеуге, қастерлеуге тәрбиелеу.
Көрнекілігі: көктемге арналған суреттер, Сәкен Сейфуллиннің портреті, слайд, бейнеролик, кестелер, бағалау парақшалары
Сабақ түрі: жаңа сабақ
Сабақ әдісі: сұрақ-жауап, көрнекілік, топпен жұмыс, талдау-жинақтау,
СТО
Сабақ барысы
І Ұйымдастыру кезеңі
Сынып оқушыларына жағымды ахуал туғызу
Табиғаттың оянуы бейнеролик.
Оқушыларды «Шаттық шеңберіне» тұрғызып, бір-біріне тілек айту (қолдарында екі түрлі бәйшешектер көкшіл, сары)
Топқа бөлу. Бүгін біз топпен жұмыс жасаймыз.
Сондықтан 2 топқа бөлініп отырамыз
І топ - Наурыз
ІІ топ - Көктем
Топ басшыларын сайлап аламыз.
Ітоп ұраны:
Наурыз – шаттық әніміз
Салтанатты сәніміз
ІІ топ ұраны
Көктем шуақты болсын!
Күні қуатты болсын!
Топ басшылары бағалау парақшалары арқылы өз топтарын бағалап отырады.
Сабағымызды «Жұмыла көтерген жүк жеңіл» деген ұстаныммен бастамақпын.
Себебі сендер бүгін топпен жұмыс жасамақсыңдар.
Бүгінгі сабағымыз мынадай бөлімдерден тұрады.
І. Қайталау-сөз анасы
ІІ. Ой түбінде алтын бар, ойлай білсең табылар.
ІІІ Білгенге маржан-білмеске арзан
ІV. Ойға түстім ойландым.
V. Сәулең болса кеудеңде.
І бөліміміз бойынша Қайталау-сөз анасы.
(Үй тапсырмасын сұраймын).
Қосымша тапсырмаларын сұраймын
І топ Наурыз туралы мақал-мәтел жаттау.
ІІ топ Наурыз туралы өлең шумақтарын жаттау.
– Өлеңнің авторы кім? (Міржақып Дулатов)
– Өлең не туралы?
– Өлең жылдың қай жыл мезгіліне арналған?
2. Білімдерін жан-жақты тексеру.
Көктем айларына қандай айлар жатады екен?
Табиғатта қандай өзгерістер болады?
3. Жаңа сабаққа даярлық кезеңі
ІІ. «Ой түбінде алтын бар,ойлай білсең табылар».
«Түртіп алу» стратегиясы
1 топ: Сәкен Сейфуллин деген кім?
2 топ: Жылдар сөйлейді.
Сәкен Сейфуллин ақиық ақын, ірі қоғам қайраткері, әдебиет зерттеушісі, жазушы-драматург.
Достарыңызбен бөлісу: | 
