Рахмет құрметті әріптестер! Әріптесім Жұпар Мұратханқызы барлығымызды таныстырып өтті. Енді барлығымыз шағын шығармашылық топтарға бөлінейік. Ол үшін сіздер мына сопақша пішіндерді бір-бірден алыңыздар.
Қатысушылар сопақша пішіндердің астында жазылған мына табиғаттың құбылыстары бойынша бөлінеді «Жел», «Жаңбыр», «Боран» бұл құбылыстарды іс-әрекетпен немесе дыбыспен көрсетеді.
Тютор:
Жайғасып отырыңыздар! Енді жұмысымызды бастайық. Сіздерге мынандай тапсырма.
Жалпы серуен деген не?
Серуен дегенді қалай түсінесіздер?
Алдарыңыздағы құралдарды пайдалана отырып осы сұраққа жауап іздеп көріңіздер!.
Қатысушылар сұраққа жауап беріп, ортаға шығып немесе орындарынан қорғайды.
Тьютор:
Жарайсыздар! Енді экранға назар аударайық. Жалпы серуенге тоқталып өтсек.
Баяндама тақырыбы: «Балалардың айнала қоршаған ортаға деген эмоцияналдық қатынастарын серуен кезіндегі қимылдық ойындар негізінде арттыру».
Мектепке дейінгі кезеңде бала қоршаған ортаны танып біледі. Баланың табиғатты танып білуге деген қызығушылығын оята отырып, педагог оны табиғатпен таныстырып қана қоймай, оны түсінуге, өсімдіктер мен жануарларды қамқорлауға, табиғаттың сұлулығын сезіне білуге үйретеді.
Қарапайым экологиялық түсініктерді меңгерту баланың қоршаған орта нысандарына танымдық қызығушылығын арттырумен тығыз байланысты.
Баланың танымдық дамуы ойын барысында, табиғи нысандар мен құбылыстарға бақылау жасау, заттарды қарап, зерттеу кезінде, табиғат пен табиғат күнтізбесіндегі ауа - райы жағдайына бақылау нәтижелерін айта білу, еңбек және басқа да әрекеттер барысында жүзеге асады.
Мектепке дейінгі балалық шақ кезеңінде баланың танымдық дамуы эмоционалдық қарым - қатынастар арқылы қалыптасады. Әрбір жеке бала - қоршаған ортаны қызығушылықпен қабылдайтын кішкентай зерттеуші. Бала белсенді әрекеттерге талпынады.
Сондықтан да бақылау мен зерттеу сияқты әдістер балаға неғұрлым жақын болып табылады.
Баланың жан - жақты дамуы оның қоршаған ортамен белсенді қарым - қатынасы негізінде қалыптасады. Бұл тұрғыда «Сезіну - танып білу - жүзеге асыру» - осы үш бағытта жұмысты ұйымдастыру қажет.
Ол үшін тиімді әдіс - тәсілдерді таңдап алудың маңызы зор.
Төменде берілген серуен кезінде ұйымдастырылатын бақылау үлгілері тәрбиешіге баланы қоршаған ортамен таныстыруға, серуенді дұрыс ұйымдастыруға көмектеседі.
Достарыңызбен бөлісу: |
