Серік Мырзалы философия оқу құралы
§ 6. Философияның негізгі атқаратын қызметтері
жүктеу/скачать 3,76 Mb. Pdf көрінісі
|
Серик Мырзалы Философия
| § 6. Философияның негізгі атқаратын қызметтері
Жоғарыда көрсетілгендей, философия – ғылым мен өнер салаларына ұқсас, сонымен қатар адамзаттың мәдениетінде ерекше орын алатын пән. Ол өзінің әртүрлі қырларымен қоғам мен адам өміріне жан-жақты әсерін тигізеді, бүгінгі рухани дағдарыстағы адамзатқа оның жаңа өмір бағытын іздеудегі талпыныстарында философияның орнын асыра бағалау қиын. Философия адамның дүниеге деген көзқарасын қалыптастырады. Бұл – осы пәннің ең негізгі қызметтерінің бірі. Әрине, кез келген адамның дүниеге деген өз көзқарасы бар. Ол тұрпайы, фантастикалық, діни, мифологиялық т.с.с. болуы мүмкін. Ертедегі гректердің айтқанындай, адам өзінің толық кемеліне, әсіресе рухани жағынан алғанда, пісіп-жетілуі сатысына 40 жасқа қарай келеді екен. Оны олар «акме» деп атаған. Яғни адам өмірде сол жасқа шейін шыңдалып, талай рет маңдайы тасқа соғылып, күнделікті өмірден тәжірибе қорытып, осы қоршаған дүние, қоғам өмірі, адамдардың бір- бірімен қатынасы жөнінде белгілі бір көзқарасқа келеді. Ары қарай жүре келе, ол тіпті белгілі бір даналық сатысына көтеріліп, қартайған шағында философиядағы ашылған өмірге деген көп қағидаларды сол пәнді оқымай-ақ өз-өзіне тағы да ашуы мүмкін. Алайда бүгінгі таңда, қазақ мемлекеті жаңа ғана қалыптасып, өзінің күшіне кіріп жатқан уақытта, бүкіл дүние жүзіндегі халықтар мен мемлекеттерге есігімізді кең ашып жатқан шағымызда, өз келбетімізді сақтап қалуымыз үшін (оны ғылымда идентификация дейді 37 (іdentіfіco – латын сөзі, теңеймін), біз дүниежүзілік философияны зерттеп, қазақ халқының дүниетанымы онда қандай орын алаты- нын анықтауымыз керек. Сонымен қатар бүгінгі адамзаттың рухани дағдарысы неде, ғылым мен техника қаншалықты биік дәрежеге көтерілгенмен, қазіргі миллиондаған адамдар өздерін неге бақытсыз сезінеді, біз өзіміздің реформаларымызда қандай елдердің тәжірибелерін үлгі ретінде алуымыз керек және оларды өзіміздің ерекшеліктерге сай етіп пішуіміз керек деген т.с.с. сұрақтарға жауап беруіміз керек. Бұл сұрақтардың жауаптары жеке адам, я болмаса бүкіл қоғамның болашақ тағдырына әсерін тигізбей қоймайды. Ал олардың бәріне де терең жауап беру философия арқылы болмақ, өйткені барлығы – дүниеге деген көзқараспен байланысты мәселелер. Бүгінгі таңдағы еліміздегі көп қиындықтар, тіпті қателіктер, біздің өмірді жаңарту жолындағы үстірт еліктеу, қайсыбір ақиқаттың нақтылығын ұмыту, жалпы алғанда, біздің жаңа қалыптасып жатқан саяси және экономикалық элитамыздың философиялық дайындық дәрежесінің тайыздығымен, интеллектуалдық элитаға мән бермеу- мен көп жағдайда байланысты болып отыр. Әрине, сонымен қатар көп мәселелердің түп-тамыры біздің соңғы ғасырлардағы бодандығымызға кетеді. Бірақ оған қаншалықты сілтей береміз? Дүниеге деген терең философиялық көзқарас әсіресе біздің жастарға керек. Өйткені жастар – елдің болашағы. Философияны терең оқып- білген адамның ғана дүниеге көздері ашық, қазіргі адамзат өміріндегі болып жатқан шымшытырық тартыс, жүктеу/скачать 3,76 Mb. Достарыңызбен бөлісу:
|