Шойынбаева Айдана 1-СӨж альтернативтік егіншілік жүйелері. Тексеру сұрақтары

Батыс Еуропа, АҚШ, Канада мемлекеттерiнде жүйелер арасында анық шекара жүргiзу мүмкiндiгi жоқ, бiр-бiрiнен айырмашылығы шамалы ағымдар бар: органикалық, экологиялық, биологиялық, органобиологиялық, биодинамикалық, микробиологиялық, «Говард-Бальфур жүйесi». Казiргi уақытта осы айтылған мемлекеттерде егiншiлiктiң альтернативтi жүйесiн пайдаланатын фермерлердiң үлесi шамамен 1%.

Альтернативтi егiншiлiктiң мақсаттары: өсiмдiктердi қоректiк заттармен қамтамасыз ету, органикалық тыңайтқыштарды, қиын

еритiн минералдарды енгiзу және азот түзетiн бактерияларды қолдану есебiнен топырақтың биологиялық белсендiлiгiн арттыруға негiзделген. Қорек көзi ретiнде, топырақ микрофлорасының iс-әрекетiн белсендiру нәтижесiнде, топырақтың минералдық қорынан босаған қоректiк заттар қарастырылуда. Қоректiк заттардың сiңiргiштiгi және олармен өсiмдiктiң бiркелкi қамтамасыз етiлуi топырақты оңтайлы өңдеумен және негiзделген ауыспалы егiстi қолданумен iске асады. Ауыспалы егiстердiң арамшөптермен, ауыл шаруашылық дақылдарының зиянкестерiмен күресте маңызы зор.

Альтернативтi егiншiлiк жағдайында, ауылшаруашылық дақылдарының өнiмi дәстүрлi егiншiлiк пен салыстырғанда әзiрше төмен. Ауыл шаруашылық дақылдарында алынбаған өнiм мөлшерi 15-30% арасында өзгередi. Дегенмен, бұл бағытта зерттеулер әрi қарай жүргiзiлуде және келешекте табиғатта қалыптасқан экожүйе тепе - теңдiгiне өз ықпалын тигiзбейтiн озық технологиялар жолдарының бiреуi болып саналады.