3)Жеке топырақ алабы (ЖТА) дегеніміз не? Жауап: Топырақ жамылғысы құрылымының негізі болып жеке топырақ алабы (ЖТА) саналады. Ол топырақ жамылғасының әрі қарай бөлінбейтін бөлігі. Топырақ классификациясының ең кіші қатарына жататын топырақ түрінің алып жатқан ауданын жеке топырақ алабы дейміз. Жеке топырақ алабы ұғымын тұжырымдаған және оның негізгі сипаттамаларын ұсынған В.М.Фридланд (1965) болды.
Жеке топырақ алабын сипаттау үшін келесідей көрсеткіштер қолданылады:
топырақ алабының топырақ түзуші факторлармен биоклиматтық жағдайымен, жер бедерімен, ылғалдылықпен, аналық тау жыныстарымен, топырақтың жасымен, топырақтың түзілу тарихымен және адамдардың әрекетінің ықпалымен байланысын сипаттау.
4)Топырақ кешендері, топырақ үйлесушіліктері деген ұғымдарға сипаттама беріңіз. Жауап: 1915 жылы С.С.Неуструев жер бедерінің өзгеруіне байланысты комбинацияларды топырақ кешендеріне (комплексы) және топырақ үйлесімділігіне (сочетания) бөлді.
Топырақ кешендері жер бедерінің микро өзгешеліктеріне байланысты қалыптасқан болып келеді.
Топырақ үйлесімділігі мезо жер бедеріне байланысты қалыптасып, үлкенірек аумақты алып жататын топырақтар жамылғысы құрылымын құрайды.
Ал 1973 жылы В.М.Фридланд микрокомбинациялар ішінде топырақ кешендерін (ерекше айырмашылықты)және дақты (сәл айырмашылықты) топырақтар жамылғысы құрылымын бөліп қарауды ұсынды. Мезокомбинациялар ішінде жер бедеріне байланысты қалыптасқан ерекше айырмашылықты топырақ жамылғысы бар үйлесімділікті және сәл айырмашылықты топырақ жамылғысы бар алалықты (вариацияларды) бөліп қарауды көрсетті. Сонымен бірге мезокомбинациялар ішінде топырақ түзуші тау жыныстарының кеңістікте өзгеруіне байланысты қалыптасқан ерекше айырмашылықты топырақ жамылғысы құрылымын құрақты (өрнекті) және сәл айырмашылықты топырақ жамылғысы құрылымын ташеттердеп атады.
