| 4. Өнімді өндіруге жұмсалатын ресурстардың ақшалай құны өндірістік шығындар деп аталады. Шығындар экономикалық және бухгалтерлік болып бөлінеді. Бухгалтерлік шығындарға есеп беру кезіндегі нақты (айқын) шығындар жатады және олар шығарылатын өнімнің қүнының құрамына кіреді. Оған шикізат пен материалдар құны, жал төлемі, салық жатады. Ал экономикалық шығындардың құрамында айқын шығындармен қоса жасырын шығындар да қарастырылады. Жасырын шығындарға сатып алынбайтын, фирманың өз меншігіндегі өндіріс факторларын пайцдалану шығындары жатады. Микроэкономикадағы өндірістік шығындарын экономикалық шығындар деп түсіну керек.
Шығындарды толығырақ талдау үшін экономика қысқа және ұзақ мерзімді экономика деп бөліп қарастырылады.
Қысқа мерзім дегеніміз –кейбір өндіріс факторлары өзгеріссіз қалатын белгілі бір уақыт аралығы. Қысқа мерзімдегі жалпы шығындар (ТС), тұрақты шығындар (ҒС) және айнымалы шығындар (VC) болып бөлінеді.
Достарыңызбен бөлісу: |
