Түйінді түрде дерттің сыртқы қабығы болмайды, ол ақшылдау, шекарасы көмескіл келеді. Егер теріге көшсе онда жараланады; қуыстағы ісік ұлпасы шіріп, ыдырайды, оған инфекция жұғып іріңдейді,сасық қанды сұйық ерітіндіге айналады
І - өсу дәрежесі түйіннің 2см-ге жететіндей, ісік без ұлпасынан аспайды, ешқандай лимфа бездері ауруға шалдықпаған
ІІ - өсу дәрежесі ісіктің көлемі 2-5 см-дей болып, ол теріге көшкен (ІІА) не қолтық асты лимфа бездерінің біреуін ғана жарақаттаған
ІІІ - өсу дәрежесі ісік көлемінің 5см-ден асып, теріге не бұлшықетке тараған кезі, бірақ қолтық асты бездері сау(ІІІа). Егер кез келген көлемдегі ісік көзі қолтық, бұғана, жауырын асты лимфа бездерін жарақаттаса онда өсу дәрежесі ІІІб, ал егер бұғана үсті не төс асты лимфа бездері жарақаттаса ІІІв.
ІV - өсу сатысына мүшенің жаралануы, кеудеге жабысып қалуы не бөгелме ісік көзінің пайда болуы жатады
Клиникалық көрінісі
Сүт безі рагында алғашқы өсу кезінде ешқандай шағым болмайды. Тіпті кездейсоқ табылған түйінде ешқандай ауру сезімінсіз.Түйін біртіндеп өсе бастайды, пішіні, көлемі өзгереді, емшектің бір жері домбығып ісінуі не ішке қарай кіріп кетуі мүмкін. Ал кейбір жағдайларда емшекте ауру сезімі туады. Ең алғаш тері алаң сияқты тегістеледі, содан кейін әжімденеді, ішке қарай кіріп “кіндік” сияқты көрінеді. Біртіндеп тері қалыңдап ісінеді, ал емшек ұшы тартылып қолға ұстауға келмей қалады. Жараның шекарасы көмескіл келіп, түбі іріңдейді. Терідегі жара тереңделіп тез қанағыш келеді. Түйіннің беті “одыр-бұдыр” болып, шекарасы әр уақытта көмескіленеді
