Әдетте алғашқы оқығанда мәтiнге түзету енгiзiлмейдi. Тек қара қаламмен шет жағына қажеттi белгiлер соғылады. Онда лексикалықстилистикалық,, логикалық-мағыналық қателер ғана назарға алынады. Екiншi қайтара оқығанда композициясына мән берiп, логикалық қателерi түзетiле бастайды. Содан соң тұтастай әдеби өңдеу жүргiзiледi. Редактор шығарма тақырыбына (зоголовок) айрықша мән бередi. Оның мақала мазмұнына сай келуiн қадағалайды.
Редакциялау процесi көп жағдайда әдеби редактордың жеке тәжiрибесiне де байланысты өрбидi. Яғни, қолжазбаны редакциялаудың әлдебiр қатып қалған қағидасы жоқ.
Мәтiндi әдеби редакциялап шығу үшiн әдеби тiлдi, оның емлесiн, лексикасын, стилистикасын жақсы бiлу жеткiлiксiз, қолжазбамен жұмыс iстеуде қалыптасқан әдiс-тәсiлдер мен iс-тәжiрибелiк дағдылар қажет. «Стилистика және әдеби редакциялау» курсының пәнi, мiне, сол әдiстеменi зерттеудi мақсат етедi.
