Студенттерге арналған пән силлабусы Пән туралы ақпарат
жүктеу/скачать 111,82 Kb.
|
силлабус дене мәдениеті
| Дәріс 5: Дене тәрбиесі қағидалары
Дәріс мақсаты: дене тәрбиесі және спорттың қағидаларын оқу, үйрену. Тақырып бойынша сұрақтар: 1. Дене тәрбиесі қағидаларының топтары. Саналылық және белсенділік қағидасы. 2. Көрнекілік қағидасы. 3. Жүйелілік қағидасы. 4. Біртіндеушілік қағидасы. 5. Реттілік қағидасы. 6. Даралық қағидасы. Тақырыптың қысқаша мазмұны: Саналылық және белсенділік қағидасы. Бұл қағиданың мақсаты – дене тәрбиесі үрдісі кезінде жаттығушылардың санасында дене тәрбиесі мен спорт әрекеттеріне деген саналы терең ой, тұрақты ынтығушылық, қызығушылық қалыптастыру және олардың осы әрекеттерге белсенді ұмтылуын ұйымдастыру. Көрнекілік қағидасы. Көрнекілік – дегеніміз адамның сезім мүшелерін тану, түсіну, ұғыну үрдісінде қолдану. Ал дене тәрбиесі мен спорт үрдісінде көрнекілік қағидасы үйрету және тәрбиелеу кездерінде қолданылады. Қозғалысқа үйретуді көру арқылы ғана емес, есту және бұлшық ет түйсігі арқылы да түсіне білу керек. Әр түрлі анализаторлар белгілері оқушылардың санасында үйренетін жаттығу туралы толық түсінік тудырады. Жүйелілік қағидасы. Дене қуаты қасиетін дамытудағы және қозғалысқа үйретудегі жақсы нәтиже тек қана дене тәрбиесі жаттығуларын жүйелі орындағанда ғана болады. Жүйелілік–сабақтар арасында ұзақ үзіліс болмауы, сол арқылы жаттығушылардың дене қуаты дайындығы деңгейін түсірмеуі. Реттілік қағидасы. Қимыл әрекетке үйрету және дене қуаты қасиетін дамыту реттілігіне арналған талаптар үш дидактикалық ережеден тұрады: 1. Жеңілден – қиынға. 2. Қарапайымнан – күрделіге. 3. Меңгерілген қимыл әрекеттен – меңгерілмеген қимыл - әрекетке. Біртіндеушілік қағидасы. Орындайтын жаттығулар техникасының біртіндеп күрделенуін, жүктеме көлемі мен қарқыны біртіндеп өсуін біртіндеушілік қағидасы дейміз. Даралық қағидасы - дене тәрбиесі үрдісінде оқушылардың жеке ерекшеліктерін ескеру түрінде жүргізіледі. Даралық қағидасы әр адамның дайындық деңгейіне, жыныс және жас ерекшеліктеріне байланысты. Жеке басының, психикасының ерекшеліктеріне, жүктемеге шыдамдылығына, сыртқы орта әсерін сезіну мүмкіншіліктеріне, жұмыс істеу стиліне байланысты. Өзін-өзі бағалауға арналған тапсырмалар: Дене тәрбиесі мен спорттың қағидалары, оларды топтау. Саналылық және белсенділік қағидасы. Жүйелілік қағидасы. Біртіндеушілік қағидасы. Реттілік қағидасы Даралық қағидасы Көрнекілік қағидасы. Әдебиет: негізгі [1-7] қосымша [2,4,6] жүктеу/скачать 111,82 Kb. Достарыңызбен бөлісу:
|