Байланысты: Таратпа материал 4 сабақ Қазақ батырларының ерлігі кітапша
67. НЫСАНБАЕВ Боран (1918-1943). Гурьев облысының Есбол ауданында туған. Қатардағы жауынгер. Минометші. Лески қаласында болған шайқаста жауып тұрған оққа қарамастан жаудың бірнеше атыс ұясын гранатамен талқандап, ерлікпен қаза тапқан. 23.9.1943. 68. НҰРЛЫБАЕВ Жолдыбай (1922-1945). Шымкент облысының Мақтаарал ауданында туған. Капитан. Артиллерия батареясының командирі. Сталинград, Украина, Белоруссия майдандарында ерлікпен шайқасып, Лукац-Крейц қаласы маңындағы сұрапыл ұрыста ерлікпен қаза тапқан. 24.3.1945. 69. НҰРМАҒАМБЕТОВ Сағадат. 1924 жылы Ақмола облысының Алексеев ауданында туған. Рота, батальон командирі болды. Солтүстік Кавказ, 4-Украина, 1-Белоруссия майдандарында шайқасып, Пилица өзені маңында болған ұрыста асқан ерлік көрсеткен. Соғыстан кейінгі жылдары Москвадағы жоғары әскери академияны бітірді. Тәуелсіз еліміздің тұңғыш Қорғаныс министрі болды. Армия генералы. 27.2.1945.
