Т. Т. Галиев, М. Д. Есекешова, Г. О. Исакова
Жүйелілік тұғыр негізіндегі озық білім беру технологиясы
жүктеу/скачать 1,58 Mb. Pdf көрінісі
|
Жоғары оқу орны білім алушыларының кәсіби құзыреттілігін
| 1.
Жүйелілік тұғыр негізіндегі озық білім беру технологиясы [105] – білім берудегі өзара байланысты компоненттер (негізгі принциптер, мазмұны, жүйелі әдістер мен технологиялар, формалар мен құралдар), сонымен қатар, озық білім берудің жоспарланған нәтижесі мен мақсаттарына қол жеткізу үшін арнайы жобаланған және жүзеге асырылуын қамтамасыз ететін (ақпараттық, кадрлық, материалды- техникалық, психологиялық және өзге де) қосалқы жүйелер жиынтығы. Жүйелілік тұғыр негізіндегі озық білім беру технологиясының құрылымын, ең алдымен, терең және жүйелі білімді меңгеруге; осы үшін қажетті икемділік, дағды, қабілеттілік пен ойлау тәсілдерін қалыптастыруға; зерделенетін нысандарды толығымен тануға мүмкіндік беретін, жүйелі тәсілдер мен әдістер құрайды. Жоғарыда аталған технологияның ерекшеліктеріне келесілерді жатқызуға болады: 1) жүйелі ойлау мен жүйелі тәсілдің дағдылары мен шеберлігін жедел (озық мағынада) қалыптастыру; 105 2) әрбір білім алушының, оның білімінің, шеберлігінің, қабілеті мен құзыреттілігінің озық сипаттамасы ретінде мақсатқа жетуге бағдарлануы; 3) өзге де жүзеге асырылатын және алдағы қызметтің, тәжірибелік, теориялық, танымдық қызметтердің бағдарлық негізін озық қалыптастыру; 4) білім берудің нәтижелі мақсатына қол жеткізуге және қоршаған ортаның шынайылығын тұтас тануға бағытталған, қызмет түрлерін және олармен шартталған ойлау тәсілдерін озық меңгеру. Жүйелі ойлауды қоса алғанда, осы қызмет түрлері мен ойлау тәсілдері неғұрлым тез меңгерілсе, соғұрлым олар мамандарды даярлау мен оқытудағы мақсатқа қол жеткізуге тез септігін тигізеді, субъекті үшін де жылдам әрі біршама қарқынды «жұмыс» істейді. 5) экономиканың, ғылымның, қоғамның және оның нақты салаларының, сонымен қатар, субъектінің болашақтағы кәсіби қызметінің стратегиялық даму контекстіндегі құзыреттілікті озық қалыптастыру; 6) жаңалықтарға әзірліктің және сезімталдықтың дамуы, алға жылжудың жеңісті кепілі үрдіс пен құбылыстардың, нысанның қол жеткізілген жай-күйінің озық дамуы болып табылатындығын түсіну; 7) озық ақпараттармен жұмыс істеу дағдысы мен шеберлігін дамыту және басқарушылық шешімдерді қабылдау мен әзірлеу үшін оның тиімділігін арттыру. 8) білім алушының өзіндік жұмысын жүзеге асыру және ұйымдастырудағы технологиялық әдісті белсенді пайдалану; 9) зерттеу деңгейінде және шығармашылық деңгейінде, «білім беру стандарты» деңгейінде алынған білімді қолдануды ескере отырып, «түрлі деңгейлі» білім беруді қарастыру. Еңбектің авторлары[98] жүйелілік тұғырдың әдістері мен жүйелері жайлы айта отырып: «Талдаудың негізінде біз білім аламыз, алайда оны бірнеше құраушыларға бөле отырып, жүйенің қасиеттерін түсіну мүмкіндігінен айрыламыз» деп тұжырымдайды. Талдаудың толықтауышы синтез – бөліктерді біртұтас етіп құрастыру болып табылады. Синтездің көмегімен біз түсінікке қол жеткіземіз. Жүйенің қалай қызмет ететінін және тосын қасиеттерінің қандай екенін анықтаудың бір ғана жолы бар, ол – оны әрекет кезінде бақылау. жүктеу/скачать 1,58 Mb. Достарыңызбен бөлісу:
|