Тақырыбы: «Алтын күз» Тәрбиеші: Құрметті қонақтар, ұстаздар! Бүгін мектепалды даярлық тобының балалары дайындаған «Алтын Күз»

жүктеу/скачать 378,15 Kb. Дата 07.02.2022 өлшемі 378,15 Kb. #91654

Бұл бет үшін навигация:

• Күзгі жапырақтар
• 1-сұрақ: Күз мезгілі нешеге бөлінеді ( Ерте күз, алтын күз, қара күз)
• Күз ханшайымы: 2-сұрақ: Күз айларын ата. (қыркүйек, қазан, қараша)
• Ах, какая осень
• Сыйлық тарату
• Алтын күз өзінің халыққа берер керемет сыйларының тамаша өнерлеріне дән риза болып аттаныпты. Алтын күзде жүздескенше!

Тақырыбы: « Алтын күз» Тәрбиеші: Құрметті қонақтар, ұстаздар! Бүгін мектепалды даярлық тобының балалары дайындаған «Алтын Күз» атты ертеңгілігіне қош келдіңіздер. Армысыздар, халайық, Бармысыздар халайық! Күзгі тойды жұп жазбай, Келіңдер қарсы алайық! Қараңдаршы, балалар , бүгін біздің сыныбымыз қандай әдемі болып кеткен. Қолымызға не ұстап келдік? Жапырақтар. Осы жапырақтардың түсі қандай? Сары. (Осы кезде сырттан бір дыбыс естіледі,желдің шуы) -Балалар,тындаңыздаршы бұл не шу? (Осы кезде әдемі әуенмен Күз ханшайымы келеді) Күз ханшайымы: Сәлеметсіздер ме, балалар! Балалар: Сәлеметсіз бе! Күз ханшайымы: Уа, халайық, дархан далам армысың, Табиғатым жаны жайсаң тал мүсін Ханшайымы Күздің бүгін келіп тұр, Алмақ болып бар халқымның алғысын. Мен – Күз ханшайымымын. Сендерді көргеніме куаныштымын. Тәрбиеші: Қош келдің, Күз ханшайымы! Төрлет! Тәрбиеші: Күз ханшайымының бізге арнаған биі бар екен. Күз ханшайымы: Ия,балалар бәріміз бірге билейік. Күз ханшайымы: Балалар,мен сендерге бір жұмбақ жасырайын. Ағайынды бәрі, Шықса-жасыл, Түссе-сары. Бұл не? Балалар: Жапырақ Күз ханшайымы: Дұрыс таптыңдар, жарайсыңдар! Мен өзіммен алтын жапырақтарымды ала келдім. Әр жапырағымда тапсырмалар. Егер де тапсырмаларымды орындасаңдар, менің де сендерге деген сыйлығым бар. Тәрбиеші: Әрине,қымбатты Күз ханшайымы! Біздің балалар сізге арнап Күз туралы Күзгі жапырақтар биін дайындады. Сіз жайланып отырып, балалардың өнерін тамашалаңыз. Күз ханшайымы: Міне Күз ханшайымының бірінші тапсырмасы –сұрақтар. 1-сұрақ: Күз мезгілі нешеге бөлінеді? ( Ерте күз, алтын күз, қара күз) Тәрбиеші:Ал Күз ханшайымы енді біздің балалардың тақпақтарын тындайық. Жұматай Айша: Жайдарлы күз, алтын күз, Аяулы күз, жарқын күз, Дәнге толып ен дала Дариядай шалқар күз! Даниал: Күзім-ау,күзім-ау Мінезің бұзық-ау Жаңбырың сіркіреп Келгенің қызық-ау! Диас: Еңбек қызып қырларда, Бидай толды қырманға. Алтын таулар секілді, Сап-сары боп тұрғанда. Ай-Мұхаммед: Қосып білім нұрға-нұр, Біздер бүгін жарқынбыз. Басы оқу жылының, Берекелі Алтын күз! Дамир: Берекесін сыйлауға, Өлкемізге күз келді. Жемістерін жинауға, Шақырады біздерді. Эмилия: Күздің сыйын алайық, Қызығына қарайық. Күзге арнап бәріміз, Әнімізді салайық! Ән: «Күз-Тамаша!» Күз ханшайымы:2-сұрақ: Күз айларын ата. (қыркүйек, қазан, қараша) Тәрбиеші: Ендеше ортаға Күз айларын шақырайық. Нұрасыл:(қыркүйек) Бірінші қыркүйек Білімге бастады. Мал мен аң тұр билеп Құс шарлап аспанды. Сезім:(қазан) Жаңартқан ғаламды Жаңбырлы ғажап ай. Осынау заманды Орнатқан қазан ай. Димаш:(қараша) Мол байлық тергені, Шаттығы қаншалық. Қарашы өрледі Қараша ән салып. Тәрбиеші:Ал, Енді балалардың Евгения Александровнамен орындауында Ах, какая осень әнін қабыл алыңыз Тәрбиеші: енді біздің қалған балалардың тақпақтарын тындайық. Даниар: Егінді елі жинайды, Қырманға дән сыймайды. Біздің дала бай дала, Алтын астық айнала. Айша Тойлыбай: Дала сары киінді, Самал соқты салқандау. Қырмандарға үйілді, Алтын-астық, алтын-тау. Арлан: Жемісі мол теретін, Күз дос екен бізбенен. Бәрін тауып беретін, Жомарт екен күз деген. Айсұлтан: Алтын, сары, қызыл, көк, Алуан-алуан жапырақ, Күзгі бақта күлімдеп Көз тартады атырап! Санжар: Алқаптан бидайды, Қоймаға жинайды. Тырнасы тізілген, Ұнатам күзді мен. Тәрбиеші: Рақмет,балалар :3-сұрақ; Кане, балалар,осындай молшылық Күз айында бір ойын ойнап жіберейік. Ойын «көкөністер мен жемістер». Сыйлық тарату Күз ханшайымы: Ал енді мен қайтайын, тағы аралайтын жерлерім бар, сендер сияқты тағы да алтын күз мерекесін тойлатқан елдерге барып қуанышымды жалғастырайын. Қош сау болыңдар! Тәрбиеші: Алтын күз өзінің халыққа берер керемет сыйларының тамаша өнерлеріне дән риза болып аттаныпты. Алтын күзде жүздескенше! осымен ертеңгілігіміз аяқталды назар аударып тыңдағандарыңызға көп рахмет! жүктеу/скачать 378,15 Kb. Достарыңызбен бөлісу: