“Сам мектеп-балабақша кешені» КММ–нің өзін- өзін тану пәні мұғалімі
Жоспары:
1. Дұрыс іс – әрекетке тән қасиеттер
2. Дұрыс іс – әрекеттің адам өміріндегі алатын орны.
3. Қорытынды.
Дұрыс әрекет - жүректен шығып,сосын сөз ретінде бейнеленетін және іс жүзінде қолданылатын құндылық.
Ойдағы сүйіспеншілік – ақиқат, Істегі сүйіспеншілік – дұрыс әрекет.
Дұрыс әрекет – әрекеттегі Сүйіспеншілік.
Ақиқаттан туындағанның барлығы – дұрыс әрекет.
Дұрыс әрекет –өмір негізі
ДҰРЫС ӘРЕКЕТКЕ ТӘН ҚАСИЕТТЕР
Әдет-өзінің шынайы болмысын түсінуге негізделген. Қанағат-Тек тілек-қалауын тыйғанда ғана адам еркіндікке қол жеткізеді. Ынтымақтастық-адамдар әр түрлі адамдармен бірге өмір сүруге үйрену үшін оқушылар мектепте тәртіпке, өзара сыйластыққа, ынтымақтастыққа үйренеді. Тәртіп-адам іс-әрекетіндегі жетістігінің негізі. Бұл қасиет баланың бойына сәби кезінен бастап даруы керек. Парыз бен ризашылық-әр адамның өз отбасы, өзі өмір сүретін қоғамы мен елі алдындағы парыздары мен міндеттері бар. Дұрыс ой-адамның Дұрыс әрекетке бастайтын таза және асқақ ойы болуы керек. Дұрыс сөз-тіл-бұл шынайы тәрбиеліктің көрсеткіші. Айқайлап, сауатсыз сөйлеу, ашу мен ызаға толы сөз- адам денсаулығына кері әсер етеді. Дұрыс әрекет - жүректен шығып,сосын сөз ретінде бейнеленетін және іс жүзінде қолданылатын құндылық. Ақиқаттан туындағанның бәрі – дұрыс әрекет. От парызы-жану. Онсыз жай ғана көмір. Қант парызы-оның тәттілігі. Тәттілігі болмаса жай ғана сусымалы зат. Егер біз ар ұятымызға сүйсінбесек онда дұрыс әрекет болмайды. Мұғалімнің дұрыс әрекеті: Біз үшін жүрек тазалығы маңызды. Ең бастысы басқаларды қалай оқытсақ, соған өзіміз лайықты болуымыз керек.
.
Адам дұрыс жолды таңдай білуі қажет:
1. Дұрыс жол — ақиқатты дұрыс түсіну. 2.Дұрыс шешім—ақиқатқа сәйкес өз өмірін өзгертуге бағытталған ерік-жігер. 3. Дұрыс сөз — өтірік айтпау, біреуді босқа жамандамау, балағат сөз айтпау, 4. Дұрыс іс-әрекет— ешқаңдай тіршілік иесіне жамандық жасамау, ұрлық-қарлықтан қашық болу. 5. Дұрыс тұрмыс қалпы — адал еңбек етуді әдетке айналдыру. 6. Дұрыс күш жұмсау — құмарлықпен, жаман оймен күресу
7. Дұрыс ой бағыты— дүниенің жалған, уақытша екенін түсіну.
Дәйексөз
«Дұрыс әрекет-мақсатқа жеткізер жолды дұрыс таңдаудан басталады»
Әл - Фараби
Бір профессордың үйіне кезінде сабақ берген өзінің шәкіртері келеді. Өткен күнді еске алып, әрқайсысы өздерінің жұмыстары, отбасылыры жайлы біраз әңгіменің басын қайырып, бұл өмірге наразылығын, ештене жетпейтінін, бітпейтінін мәселелер жайлы сөз қозғайды. Шәкірттерінің сөздерінің аңдысын аңдыған профессор алдарына хрусталь, шыны, пластмасса кеселерді қойып, кофе құйып: “Ішіп отырыңдар”, - дейді. Шәкірттерінің барлығы қымбат хрусталь ыдысқа таласып, арзан ыдысты алғысы келмейді. Сонда профессор оларға былай деді: “Байқадыңдар ма? Барлығың қымбат ыдысты алып, арзанын қалдырдыңдар. Бұл бір жағынан қымбат болып көрінгенмен, сендердің өмірге деген наразылықтарың да осында жатыр. Қымбат кесе кофенің дәмін кіргізбейді, сендер оның сыртына қарап, ішінде не барын естен шығарып алдыңдар. Шындығында сендерге керегі – кофе болатын, бірақ сендер кесені таңдаңдар. Одан соң: “Кім қандай кесе алады?”, - дегендей бір – бірлеріңе сын көзбен қарадыңдар. Енді осыдан қорытынды шығарып көрелік: Өмір дегеніміз - кофе, ал мансап, ақша, жұмыс, бұлар – кесе. Оларды барлығы өмірді сақтауға, оны қамтуға арналған құрал – саймандар. Бірақ та өмірдің өзіне емес, оның сыртқы жағына ғана мән берсек, ішкі дәмін, рахатын сезіне алмай қаламыз. Кофенің тәттілігі кеседе емес. Ең бақытты адамдардың қолына ең қымбат нәрсе жоқ болуы мүмкін, бірақ қарапайым қанағат болады... Өмірлеріне наразылық айтып, күрсініп отырған шәкірттер ұстаздың осы мысалынан кейін терең ойда қалыпты....
Дұрыс әрекетке үйретудің мақсаты – рухани-адамгершілік құндылықтарға бағытталған, ойы, сөзі мен ісі бір жерден шығатын, жетілген мінезі бар адамды қалыптастыру. Оқушылардың бойларына рухани адамгершілік қасиеттерін дұрыс әрекет арқылы сіңіре білуіміз қажет. Рухани-адамгершілік сана-сезімі оянған адам ғана мәңгі құндылықтарды уақытша құндылықтардан, шынайылылықты жалғандықтан ажыратып, бақытты болып, өзгелерді бақытты етеді.
«Еліміздің ертеңі бүгінгі ұрпақтың қолында, ал ұрпақтың тағдыры ұстаздың қолында»
