ПАЙДАЛАНЫЛҒАН ӘДЕБИЕТТЕР.......................................................27
Кіріспе Өзектілігі. Кез келген басқа оқу пәні сияқты жеке тұлғаның қалыптасуының, берік әрі саналы білім мазмұнын меңгеріп, тікелей мақсатқа жетуінің тиімді құралдарының бірі математиканы оқыту болып табылады. Табиғат заңдарын тану барысында ғалым математиктер ерекше ғылыми зерттеу әдістерін қолданды. Оқыту барысында оқушылар математикалық шындықты алғашқы ашушылар жағдайына болады, сондықтан ғылыми әдістері математикалық зерттеудің, сонымен қатар оқыту әдістеріне де қызмет етеді. Ғылыми әдістерді дұрыс таңдау математиканы оқытуда маңызды және айқындаушы рөл атқарады. Оқыту әдісі деп оқу-тәрбие міндеттеріне қол жеткізуге бағытталған мұғалім мен білім алушылардың өзара байланысты іс-әрекетінің реттелген тәсілдері түсініледі. Қазіргі мектепте білім берудің басты аспектілерінің бірі оқу пәндерін оқытудың тиімді әдістерін әзірлеу. Мұғалім жеке тұлғаға бағытталған оқыту әдістерін қолдануы тиіс. Білімді меңгеру барысында адамның белсенді ұстанымы танымның ғылыми әдістерін қолдануымен байланысты.Олардың оқу үрдісінде сәтті қолданылуы көптеген зерттеулердің назарында болады, себебі оқушылардың белсенді позициясын қамтамасыз етеді демек, оқу процесінің тиімділігін арттырады. Мемлекеттік білім беру стандарты білім алушылардың негізгі жалпы білім беру бағдарламасын меңгеру нәтижелеріне қойылатын талаптарды белгілейді.
