Жасөспірімдердің өзін-өзі тануына, тұлғаның өсуіне, өмірдегі кедергілерді жеңуге және денсаулықтарын нығайтуға жағдай туғызу. Адамгершілік құндылықтарды бойына жинақтаған, өзіндік көзқарасы бар ұрпақ тәрбиелеу.
Амандасу
Қызыл түс- қолмен
Жасыл түс – құшақтасу
Сары түс – арқамен амандасу
“Ерекше қасиетім” Шеңбер жасап тұрамыз және өз атыңа жақсы сөз қосып айту. Мысалы: Мен ақкөңіл Бақытпын...
Өмірдің мәні туралы ойланбайтын адам бар ма? Деген сұраққа кім болса да жоқ өз өмірінің мәні туралы ойланбайтын толғанбайтын мағыналы өмір сүруге әрекет етуге тырыспайтын адам болмайды-деп жауап беретін болар. Олай болса, біз де бір уақыт өз өміріміздің мәні туралы ойлармызды ортаға салып қөрейік.
Өмірдің мәні туралы айтқанда, біз оралмай кете алмайтын бір ұғым бар. Ол –бақыт . Өмірдің мәні оны бақытты етіп өткізуде деген тұжырымның кез келген адамға түсінікті әрі жылы естілетіні содан болса керек.
Қазақ халқы өмірді ағып жатқан өзенге теңейді. Өйткені өмір өзен тәрізді тоқтаусыз, ешкімге білдірмей өтіп жатады. Сол өзен ағынында кейбір жан өз арнасын тауып жатса, енді біреулері бастарын тасқа, жарға да, ұрып өз жолын таба алмай жатады.
Пікірлесейік, әңгімелесейік.
1.Өмір, өмір сүру дегенді қалай түсінесіңдер?
2.Бақыт дегеніміз не?
3.Бақытты болу дегенді қалай түсінесіңдер?
4.Бақытқа жету үшін адам не істеу керек?
5.Өз өміріңді өзгерткің келе ме? Өз өміріңді қалай өткізер едің?
6.Уақыттың адам өміріне ықпалы бар ма?
7.Адам өмірінің мәні уақыт өткен соң өзгеруі мүмкін бе, ол неге байланысты деп ойлайсың?
«Өмір туралы тәжірибе»
Ірі тастар адам өміріндегі ең мәнді заттарды білдіреді: Отбасы, Отан, сүйіспеншілік. Бақыт, денсаулық, білім.
Ұсақ тастар: жұмыс, пәтер, қызмет сияқты одан маңызды бәсеңдеу заттарды білдіреді.
Құм дегеніміз – адамның күнделікті өміріндегі ұсақ-түйектер, яғни күйбең тіршілік. Егер адам құммен толтырған екінші ыдыс сияқты өз өмірін ұсақ-түйекпен өткізетін болса, онда маңызды заттарға орын қалмайлы.
Ірі тастарыңды қадірлеп, сақтай біліңдер. Тек солар ғана құнды, қалғандары құм ғана.
