Жедел жәрдем стансасы - бұл халыққа жедел түрде қажетті көмек көрсететін мекеме. Стационарда фельдшер бригада жұмысын басқаруы мүмкін. Ол науқас үйінде жедел түрде көрсетіледі. Кейде науқасты госпитализациялайды. Қиын жағдайларда арнаулы медициналық көмекті дәрігерлік бригада жүргізеді. Ал фельдшер медициналық көмек (көрсетуге) жасауға, тасымалдауға көмектеседі. ЖЖ стансалары арнаулы аспаптармен, көліктермен жабдықталған. Олар жолда жедел көмек және реанимация шараларын көрсету үшін қажет.
Аурухана - әр уақытта емдеуді және күтімді талап ететін науқастарға арналған емдеу мекемесі. Аурухана қабылдау бөлімінен, емдеу бөлімшелерінен және шаруашылық бөлiмiнeн тұрады, емдеудің барлық түрлері жүргізіледі.
Госпиталь - әскери адамдар мен мүгедектерді емдеуге арналған мекеме.
Клиника - бұл тек кана емдеу жүргізетін мекеме ғана емес, ғылыми тексеру жұмыстарын жүргізетін және стационарлық емдеу мекемесі болып табылады. Бұл жерде науқасты емдеуді аяқтайды.
Санаторийлерді климаты ыңғайлы, минералды суы және емдік балшықтары бар жерлерге орналастырады. Бұл жерлерде емдеу шараларымен қатар түрлі физиошаралар жүргізіледі.
