Оқу іс-әрекетінің барысы: КІШІ ТОП: Жұмбақ жасыру,ойыншық туралы тақпақ оқу,жаңылтпаштар.
Ойыншықтарды зерттеу (түсі, көлемі, нысаны, неден жасалғаны), ойыншықпен қалай ойнау керек екенін айту.
Тәрбиешінің үлгі-жоспары.
Балалардың әңгімелері.
ОРТА ТОП: кіші топтағыдай, оқу жылының екінші жартысында (4-5 сұрақтан тұратын) жоба ұсынылады. Жыл басында үлгі бойынша дидактикалық ойындар: «Ғажайып қапшық», «Ойыншықтар дүкені», «Пошташы әкелген сыйлық» ойнатылады.
Жыл соңында ойыншықтар жиынтығымен сюжетті әңгіме құру ЖОҒАРЫ ТОП: ойыншықтарды сипаттау бойынша әңгіменің барлық түрлерін қамтиды.
Ойыншықтар жиынтығы бойынша сахналау әңгімелері Оқу іс-әрекетінің барысы: Кіріспе сөз.
Тәрбиешінің үлгі-жоспары және ойыншықтармен қалай ойнау керектігін көрсету.
Сюжет құру,ойыншықтар қалай бір-бірімен әрекеттесіп,қатынасатынын көрсету тапсырмалары беріледі.
Балалардың әңгімелері.
Қорытынды.
ӨЛЕҢ ЖАТТАТУ Өлеңнің аты, авторы.
Мақсаттары: өлеңнің мәнер тілін, әрбір қатарының үйлесімділігін немесе автордың сөзін мәнерлеп,шығарманың сипатын (нәзік, мұңды, әсерлі) түсінуді үйрету; лирикалық, патриоттық, хабарлы шығармаларды ажырата білуді үйрету; әдемілік сезіміне, Отанға деген сүйіспеншілікке тәрбиелеу, қара сөзбен жазылған шығармалардан өлең ұйқасатындарын айыру; дыбысты қабылдауларын, сөйлеу тынысын, сөзбен сөйлемдерді дұрыс және анық айту, дауыс ырғағын игере білу, тақпақты дұрыс қарқынмен (қайсысы екенін көрсету) тиесілі ырғақпен (нәзік, қуанышты, қорқыныш, көңілсіз т.с.с.) айту қабілеттерін дамытып, мәнерін сақтауға үйрету.
Осы тапсырмалармен қатар келесі тапсырмалар да шешіледі:мазмұнымен таныстыру, есінде сақтау, ұнамды мінез-құлықтарды тәрбиелеуге мазмұнын пайдалану.
Сөздікті байыту немесе белсенді қолдану.
Көрнекі-құралдар.
Оқу іс-әрекетінің барысы:
Балалардың өлеңді қабылдауына дайындайтын кіріспе әңгіме.Жұмбақ жасыру,жаңылтпаш айту,автордың өмірбаяны мен әдеби еңбектеріне қысқаша шолу.
