Тест сұрақтары, тапсырмалар
Сұрақтар Сұраққа жауапты ғылыми зерттеулер бере ала ма?
жүктеу/скачать 1,49 Mb.
|
Тест сұрақтары ПИЗА
- Бұл бет үшін навигация:
- Биология пәні бойынша тапсырмалар
- Түсіндірме.
Биология пәні бойынша тапсырмалар: PISA-ның бағаланатын бөлімдері: Жасуша (мысалы, құрылымы және қызметтері, ДНҚ, өсімдік және жануар жасушалары), Адам (денсаулық, тамақтану, аурулар, көбею, асқорыту, тыныс алу жүйелері, және қанайналым), Популяция (өкілдері, эволюция, биологиялық алуантүрлілік, генетикалық вариациялар), Экожүйелер (қоректік тізбек, заттар және энергия ағындары) Биосфера (экожүйелерді сақтау, тұрақты даму). 1-тапсырма Дулат жарық және қараңғы ортаның өсімдіктерге әсерін анықтау үшін эксперимент жүргізді. Ол құмырадағы екі өсімдіктің біреуін суретте көрсетілгендей қара түсті, екіншісін мөлдір жәшікпен жауып қойды. Бұдан кейін ол өсімдіктерді екі апта бойы күн сайын бақылаған. Эксперимент маңызды нәтижелер беру үшін Дулат келесі шаралардың қайсысын жүзеге асыруы керек? (1) қораптың төменгі шеттерінің айналасында саңылаулар тесу керек. (2) құмырадағы топырақты эксперимент басталғанға дейін тыңайтқышпен өңдеу қажет. (3) жоғарыда көрсетілген құрылғыларды Күн жарығы астына орналастыру керек. A. Тек (1). B. Тек (2). С. Тек 1- және 3-тармақтар. D. Тек 2- және 3-тармақтар. Ескерту Бұл тапсырмаға жауап беру үшін оқушы артық деректерді шығарып тастап, эксперимент нәтижесін салыстыруы және болжауы, «тіршілік ортасы» ұғымын меңгеріп, диаграммадан ақпаратты ала білуі керек. Бұл кезде тек бір білік пәндік болады, басқалары ғылыми құзыреттілікті талап етеді. Негізгі мектеп бағдарламасының мазмұнында бұл тапсырма бойынша пәндік білім «7.1.6.2 жарықтың өсімдіктердің өсуі мен дамуына әсерін түсіндіру», «7.1.6.3 өсімдіктердегі фотопериодизм рөлін сипаттау» оқу мақсаттары арқылы ашылады, ал жаратылыстану-ғылыми құзыреті «7.1.5.2 өсімдіктердегі бөліп шығару ерекшеліктерін зерттеу», «7.1.4.3 өсімдіктердің тыныс алуын зерттеу», «7.1.2.2 фотосинтез үдерісіне қажетті жағдайларды зерттеу» оқу мақсаттары бойынша практикалық жұмыстарды орындау арқылы қарастырылады. 2-тапсырма Амеба бөліну арқылы көбейеді. Амебаны Петри тостағаншасында бақыланатын эксперименттік жағдайда көбейтуге рұқсат етіледі. Келесі графиктердің қайсысы уақыт өте келесі Петри тостағаншасындағы амеба санының өзгеруін дұрыс көрсетеді? Ескерту Бұл сұрақ график түрінде ұсынылған эксперименттік нәтижелерді талдап түсіндіру негізінде функционалды сауаттылықты дамытады. Амебаның көбеюі бастапқыда экспоненциальды қисық сызық түрінде болады, одан кейін амебаның көбею жылдамдығы кемиді, себебі Петри тостағаншасындағы қоректік заттар тұтынылады, яғни дұрыс жауап – D нұсқасы болады. Бағдарламада осындай графиктерді талдау «9.3.1.1 популяцияның өсуінің экспоненциальдық және сигмоидальдық қисық сызығын талдау» оқу мақсатында қарастырылған. амеба мөлшері амеба мөлше 3-тапсырма Ғалым агар тақташасында өсетін бактериялар осы тақташада зеңмен қатар өспейтінін байқаған. Ол өзінің ескертпелерінде: «зең бактерияларды өлтіретін зат түзеді» деп жазған. Бұл пікірді келесі түрде қарастыруға болады: А. Бақылау. B. Болжам. * С. Түсіндіру. D. Қорытынды. Түсіндірме. Ғылыми зерттеу – оқу бағдарламасының негізгі фокустарының бірі. Осы мәселені пәндік талдау, негізінен, ғылыми зерттеулерде пайдаланылатын «бақылау», «болжау» және «қорытынды» терминдерінің мәнін ашады. Болжам – бұл әлемдегі құбылыстарды алдын ала түсіндіру. Бұл мәселеде «зең .... зат түзеді» тұжырымы ғалымның болжамы болып табылады және әрі қарай дәлелдеу қажет. Ол жай «бақылаудан» артық, дегенмен әлі «қорытынды» емес. Бағдарламаларда аталған тақырып «7.4.3.3 антибиотиктер, антисептиктер және дезинфекциялық заттарды қолдануды сипаттау» оқу мақсаты және «Антибиотиктер, антисептиктер және дезинфекциялық заттарды қолдану» зертханалық жұмысы арқылы ашылады және зерттеледі. 4-тапсырма Суретте көрсетілген жануарларды қарастырамыз. Осы жануарлардың келесі белгілерінің қайсысын оларды екі топқа жіктеу үшін пайдалануға болады? (1) Олар суда тіршілік ете ме? (2) Олардың антенналары бар ма, жоқ па? (3) Олардың қанаттары бар ма, жоқ па? A. Тек (1). B. Тек (2). С. Тек (1) және (3). D. Тек (2) және (3)*. Осындай тапсырма түрлері оқушылардың салыстыру және жіктей алу дағдыларын дамытады. Бағдарламада аталған дағдыларды ашу «7.1.1.3 омыртқалы және омыртқасыз жануарлардың айырмашылық белгілерін сипаттау» және «9.1.1.2 өсімдіктер мен жануарларды ерекше белгілері бойынша ажырату» оқу мақсаттары арқылы жүзеге асырылады. жүктеу/скачать 1,49 Mb. Достарыңызбен бөлісу:
|