-Бұл жай орман емес,
ғажайып,жұмбағы көп ертегіге толы орман.Ал енді бәріміз орнымызға отырайық.
-Балалар,қараңдаршы,бізге біреу келе жатыр.
-Орманшы ағай келеді.
-Орманшы:Балалар, сендер мені танисыңдар ма?
-Мен Орманшы ағамын.Мен сендерге орманда не істеуге болмайтыны жайында айтып,белгілермен таныстырғалы келдім.(Ережелер,белгілермен таныстырады.Таныстырып болған соң қоштасып кетіп қалады).
-Тәрбиеші:Балалар сендер ертегі тыңдағанды ұнатасыңдар ма?
-Мен сендерге бір ғажайып ертегі айтып берейін.Ертегі "Жануарлар патшалығы мен өсімдіктер патшалығы" деп аталады.
Ерте,ерте,ертеде ... Өте тату тұратын бір-бірінсіз өмір сүре алмайтын,екі патшалық болыпты.Олар бір-бірімен ешқашан жауласпапты.Оларға өзен де,жер де,көл де ортақ екен.Өсімдіктер патшалығы жерді тыңайтады және жануарлар патшалығын да асырайды.Ал өз кезегінде жануарлар өсімдіктерді аурудан және зиянкестерден қорғайды.Осылай ең қиын жағдайда да бір-біріне көмектесіп,тату-тәтті тұрыпты.Өйткені олар бір жер шарында өмір сүріп жатыр екен.
-Қане,айтыңдаршы,балалар,ертегі сендерге ұнады ма?
-Ертегіде қандай патшалықтар туралы айтылған?
-Екі патшалық бір- бірімен жауласқан ба,әлде тату тұрған ба?
Балаларға кітап көрсету.Бұл жай кітап емес - "Қызыл кітап".Бұл кітапқа жер бетінде саны аз қалған немесе мүлдем жойылып кету қауіпі бар жануарлар мен өсімдіктер,құстар мен балықтар,жәндіктер енген.Қызыл түс - тыйым салу белгісі.Қызыл кітапқа енген аң -құстарды,өсімдіктерді сындыруға,аулауға,атуға тыйым салынған.
Енді осы аң-құстар туралы бейне көріністі тамашалайық.(Бейнекөрініс көрсету)
Балалардан "Қызыл кітапқа" енген аң-құстар,өсімдіктер туралы не білетіндерін сұрау.
| 
