Колизей (75-80 ж.) Колизей
(24-сурет) 80 жылы тұрғызылғанымен, І ғасырдың
соңына дейін салынды.
Ол ауқымды жер қазу жұмыстарын
жүргізбей, тек түбін ғана тазарту үшін суалып қалған көлдің орны-
на салынған. Имараттың ірі көлеміне байланысты «Колизей» деп
аталды. Амфитеатр өлшемі – 186 х 156 м., биіктігі 48,5 м., эллипс
шеңберінің ұзындығы – 520 м. Колизейге 50-ден 80 мың адамға
дейін сыйған. Төрт қабатты бұл имарат негізін тас тіреулер мен бе-
тон тоғыспалардан қаланған қаңқа құрайды.
Колизей қасбетінде 76 аркалық аралық есепке алынды. 2
және 3-қабат жиекқабырғаларында мүсіндер сақталмаған, 4-қабат
қабырғаларында терезе ойықтары арасында ашық сәнді қалқандар
орнатылған. Қасбетті бөліп тұрған белдігі имаратқа өзгеше бір сән
беріп тұрғандай. Әр қабат имарат тектоникасына сәйкес ордерлік
пішіндермен әшекейленген: төменнен жоғарыға қарай – дорика, ио-
ника, коринф ордерінің жартылай бағаналары және коринф ордерінің
жауырындық қабырғасы бөліп тұрады. Қабырғалар ақ мәрмәр ұнтақ
қосылып сыланған.
Орындардың орналастырылуы көрермендердің әлеуметтік
тегіне байланысты ерекшеленді. Көлемі 45 х 78 м терең аренада
гладиаторлар шайқасы, ойындар, теңіз шайқастары мен жарыстар
өткізілген.
