Верх-Березовка бастауыш мектебі-балабақша кешені

- мейрімділіктің адам өміріндегі маңыздылығын түсіндіру;

- өзара сыйластық қарым - қатынастарын дамыту;

- мейірбандылыққа тәрбиелеу.

1. 
   Ұйымдастыру.
   

Күнге қарап қолымды

Бір, екі, үш деп соғайын /қолды соғу/

Қарап тұрған көршіме

Мен қолымды бұлғайын /бір - біріне қол бұлғау/

Жылы - жылы жүзбенен

Маңдайыннан сипайын /сипау/

Жылы - жылы сөзбенен

Жүрегімді сыйлайын /жүректі ұсыну/

Ыстық алақаныммен

Қолыңды бер қысайын /қолды қысу/

Амандасып өзіңмен

Құшақтасып алайын /құшақтасу/

Оқушылардың топқа бөлінуі (лента түстері бойынша)

Тыныштық сәті

Ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Балалар, көзімізді жұмып, біраз демалып жақсы істерді көз алдымызға елестетейік. Біз қазір керемет, әрі сиқырлы, мейірімділік пен сүйіспеншілікке, ізгілікке толы әлемге саяхат жасайымыз.

Бұл әлемнің ауасы тым таза, жұпар иісті. Бәріміз сол әлемге қарай қадам басайық. сүйспеншілік, мейірімділік, ізгілік нұры бізге қонып, жан - дүниемізді осы жақсы сезімге толтырады. Адамдар бір - біріне тек жақсылық, қуаныш, ізгілік сыйлап жатса, қандай жақсы болар еді!

Қайтатын уақыт жетті, сиқырлы әлеммен қоштаса отырып, мейірімділік нұрын өзімізбен бірге ала кетейік. Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

2. 
   Үй тапсырмасын тексеру."Өнерлі бала-сүйкімді"
   

3. 
   Ынталандыру (цитата)
   

- Ана халық ұғымында жаратушы. Олай дейтініміз табиғатты да, адамды да дүниеге әкелуші ана. Табиғаттың қай жаратылысын алып қарамайық, бәрі де адамдарға мейірімін сыйлайды. Мәпелеп, аялап бар жақсылығын мейірімін бәріне бірдей көрсетеді. Адамдар да дәл солай жасауы тиіс. Сондықтан да халық даналары «Мейірімділікті анадан үйрен» деген.

Оқушылар дәйексөзді дәптерлеріне жазып алады.

4. 
   Әңгімелесу, баяндау
   

Әңгімелесу

Мұғалім жаңа сабақтың тақырыбын таныстыру мен оның мәнін түсіндіру мақсатында әңгімелесу жүргізеді.

«Мейірімді адам» бойындағы қасиеттерді атар өтсек: жақсы адам, ақкөңіл, жаны таза, шыдамды, рақымшыл, жылы жүректі. Енді осындай адам деп кімді айтар едіңдер?

- Әрине мейірімді жандардың қатарында ең бірінші біздің аналарымыз тұрады екен.

- Адамзат ненің мейіріміне бөленген?

- Күн, табиғат, ана, ұстаз, дәрігер және тағы басқалардың мейіріміне бөленеді. Ендеше мына сұрақтарға жауап беріп көрейікші:

-«Мейірімді адам» дегенді қалай түсінесіңдер?

-Қандай адамды мейірімді адам деп айтасыңдар?

(Балалардың жауаптары тыңдалады.)

Мейірімділік – ғажайып өмір есігі,

Мейірімді болсаң – сазды әуенмен тербетілер бесігің.

Ашық болсын мұқтаждарға көңілің мен есігің,

Мейірімсіз болсаң, алладан болмас кешірім.

Қол ұшын бер жетімдерге жылаған,

Қайтарма қолын, ананың көмек сұраған.

Оу, адамзат, сіңірген бойға мейірімді,

Өтініп соны, сіздерден әркез сұранам.

Мейірімді ізде, таза, аңғал жүректен,

Селт еткізіп, сезімді бойда дір еткен.

Мейірім ана бойында сіңірген бойға, мойында,

Өмірге мына жылылықпен гүл еккен.
«Мейірімділік шуағы» сөзін топтастыру

«Мейірімділік гүлін» құрастыру

Оқушылар түрлі-түсті қағаздан әртүрлі гүлдерді қиып, жапсырмалайды.

(Тақтаға оқушылар осы сөздің мағынасын ашатын сөздерді қойып шығады)

Сүйіспеншілік, қамқорлық, жарастық, ынтымақ, бауырмалдық, махаббат, бірлік, достық.
Мәтінмен жұмыс «Сары тауық пен балапандары»

Оқушылар видеодан көреді

- Сары тауық өз балапандарын қандай жақсы қасиеттерге баулыды?

-Сары тауық өз аналық мейірімін қалай көрсете білді?

- «Күн ашылып, ана жүрегіндей жадырады» дегенді қалай түсінесіңдер?

-Күннің көзін неге ана жүрегіне теңеп отыр?

- Сендер үшін өмірде ең мейірімді жан кім?

Табиғат- біздің анамыз,

Жер ана- біздің панамыз.

Таза болса табиғат,

Біз де аман боламыз.

2-топ "Мейірімділікті- табиғаттан үйренеміз"(постерде жұмыс істеп, қорғайды)

«Аяқталмаған сөйлем» тренингі

1.Мейірімділік-бұл...

2.Мейірімді сөздер...

3.Мейірімділік сезімі ғана дүниені...

(оқушылар сөйлемдерді өз ойларымен аяқтайды)

Тапсырма (жұптық жұмыс)

"Қайырымдылық, қамқорлық, жақсылық, кішіпейілділік" сөздері бойынша жұпқа бөлінеді)

1-жұп: "«Мейірімділік» кестесін сызып, толтыру. Бірінші бағанға-мейірімді істердің, екінші бағанға- мейірімді адамның қасиеттерінің тізімдемесін жасау.

2-жұп: "Жүрек жылуы" кестесін толтырады

3-жұп: Өлеңді жалғастыр

7. 
   Үйге тапсырма
   

-Балалар біз бүгінгі сабағымызда адам бойындағы жақсы, асыл құндылықтарының бірі мейірімділік жайлы әңгімелестік. Қазақ халқы баланы жасынан тазалыққа, ұқыптылыққа, әдептілікке, мейірімділікке, адалдыққа,

сыпайылыққа, кішіпейілдікке, ұйымшылдыққа тәрбиелеген.

Балалар кімнің, ненің мейірімді екендігін мынадай сөздермен айтып жеткізеді:

- Күлімдеген күн мейірімді!

- Кіршіксіз ақ қар мейірімді!

- Бәрімізді көтеріп тұрған жер мейірімді!

- Аяулы анам мейірімді!

- Қадірлі әкем мейірімді!

- Әлпештеген әжем мейірімді!

- Еркелеткен атам мейірімді!

- Жылы жүзді ұстазым мейірімді!

- Тату - тәтті достарым мейірімді!
9. Жүректен жүрекке

Жылы сезім жүректерде сақталады, Мейірімділік тек жүректен басталады».- деп балаларды жүректен жүрекке шеңберіне шақырады. Балалар шеңбер құрып тұрады. Бір - біріне деген жақсы тілектерін білдіреді. Балалар бәрі қосылып:

«Балалардың мейірімді жүрегі,

Сіздерге бақыт, шаттық тілейді» - деп қонақтарға өздері жасаған жүрекшелерді ұсынады.