А. Т. Сағынаев МҰнай мен газдың физикасы және химиясы
жүктеу/скачать 6,98 Mb. Pdf көрінісі
|
S4
| 12.2.2.
Гидротазалау процесінің катализаторлары Гидротазалаудың жаңа процестерінің көбінде түтікшелі матрицаға (негізінен – алюминий оксидіне) сіңірілген оксидті кобальтникель- молибденді ( Al-Co-Ni-Mo ) катализатор қолданады. Ең көп таралғаны құрамында алюминий оксидіне сіңірілген 2-4% СоО және 9-15% МоО 3 бар катализаторлар. Al-Co-Ni-Mo катализаторлары қатысында C–S -, C–N -, C–O - байланыстарының үзілуі және қанықпаған көмірсутектердің қанығу реакциялары үлкен жылдамдықпен жүреді. Al-Co-Mo катализаторлары әртүрлі улардың әсеріне тұрақты болып келеді. Кейбір металдардың ( Fe, Cu, Ni, Cr, V, As, Pb ) жинақталуы катализатордың белсенділігіне аз әсер еткенімен, оның регенерациясын қиындатады. Al-Co-Mo катализаторларына никельді енгізу азотты органикалық және полициклді қосылыстардың гидрогенолиз реакцияларында олардың белсенділігін арттырады. Жоғары молекулалық азотты және күкіртті органикалық қосылыстардан толығымен тазару Al-Ni-Mo катализаторын қолдану кезінде жүзеге асады. Бұл катализатордың тағы бір тиімділігі – оның бағасының Al- Co-Mo аналогынан шамамен 25% арзандығында. Оны катализдік крекингтің ауыр жоғары ароматталған шикізатын тазалау үшін қолдануға ұсынады. Процесс барысында кобальт, никель және молибден оксидтері жартылай немесе толығымен сульфидке айналады. Бұл кезде катализатордың белсенділігі артады. Алюмоникельвольфрам ( Al-Ni-W ) катализаторларын парафиндерді гидрогенизациялық тазалау, майларды гидрлеу т.б. процестерде азотты және ароматты қосылыстарды гидрлеу үшін қолданады. Al-Ni-W катализаторын Al-Co-Mo катализаторы сияқты алдын-ала күкіртпен өңдеп алу қажет. жүктеу/скачать 6,98 Mb. Достарыңызбен бөлісу:
|