Педагогиканың жалпы негіздері (мәселелері) бөлімінде – педагогика, оның даму жолдары,оған педагогтардың қосқан үлестері;педагогиканың негізгі ұғымдары; педагогиканың салалары, оның басқа ғылымдармен байланысы; ғылыми – педагогикалық зерттеу әдістері; тұлғаның дамуы мен қалыптасу мәселелері; балалардың жас және дербес ерекшеліктері және т.б. мәселелер қарастырылады.
Тәрбие теориясы бөлімінде – тәрбиенің мақсаты,міндеті мен мазмұны; өзіндік ерекшеліктері; заңдылықтары мен принциптері; өзін – өзі тәрбиелеу, қайта тәрбиелеу мәселелері; тәрбиенің әдістері, формалары мен құралдары және оларды педагогикалық процесте ескерудің маңыздылығы; ұжымды қалыптастыру, оның оқушы тұлғасына ықпалы туралы; дүниетаным және оның құрамдас бөліктері,оқушылардың ғылыми дүниетанымын қалыптастыру мәселелері; сондай–ақ тәрбиенің құрамдас бөліктері туралы және т.б. қарастырылады.
