Мен посттағы медбике Алимжанова Айтолқын Қарсақбаевнаның нұсқауымен ауруханаға түскен науқастардың күндізгі стационар картасын толтырдым.
Күндізгі стационар науқасының картасы Қ.Р. Денсаулық сақтау министрінің м.а. 2010жылғы 23 қарашадағы №907 бұйрығымен бекітілген №003-3е/е нысанды медициналық құжаттама. Бұл стационар картасына қосымша Қ.Р. Денсаулық сақтау министрінің 2010жылғы 23 қарашадағы №907 бұйрығымен бекітілген №066-4/е нысанды 32-қосымшадағы күндізгі стационардан шыққан адамның статистикалық картасын толтырып тіркедім. Сағат 1400 ден бастап, мен медбикенің әдістемелігімен ем-шара бөлмесінің жалпы тазарту жұмысын жүргіздім. Ем - шара бөлмесінің жалпы тазалығы әр аптаның бірінші күні жүргізіледі.
Ем – шара бөлмесінің жалпы тазарту жұмысым. Мақсатым: аурухана ішілік инфекцияның алдын-алу.
Ол үшін маған керек заттарды әзірлеп алдым:
0,03% Дезост хлор ертіндісі. Оны әзірлеу үшін 10,0л таза суға 2 таблетка дезостхлорлы таблетканы салдым.
2% сабынды су. Оны әзірлеу үшін 10,0л таза суға 100гр сабынды сода ұнтағын салдым.
Жұмыс үстеліне,шкафтарға, еденге арналған ветощь, құрғақ шүберек, шлабра, алжапқыш, маска, резеңке қолғап, кварц шамы, 1шелек таза су, КБУ.
Алжапқышты, резеңке қолғапты, масканы киіп тазалау жұмысын бастадым. Алдымен барлық заттарды жұмыс үстелін,шкафты, кушетканы бөлменің ортасына жинап қойдым. Оларды алдымен сабынды сумен тазалап жуып, таза сумен сүртіп, дезост хлор ертіндісімен заттарда қалған жуғыш ертінділердің қалдықтарынан сүртіп алдым. Кейін дәл осылай ем-шара бөлмесінің терезесін, системаға арналған штативтерді,жарды, есікті, еденді жуып соңынан дезостхлор ертіндісімен сүртіп, 30минутқа кептіруге қалдырдым. 30минуттан кейін бөлмеге кварц шамын 2 сағатқа қосып қойдым. Кварц шамынан кейін ем – шарабөлмесінің терезесін ашып, таз ауамен желдетіп барлық заттарды өз орындарына қойдым.
