Жоғарыда аталып өтілгендей, басқару циклді процесс ретінде қарастырылып, “басқару функциясы” ұғымындағы өзіндік дербес сипатта болатын қызметтердің жүйелі жиынтығын және үздіксіз сериясын құрайды. Осы орайда басқару процесінің схемасын қарастырып өтейік.
Жоспарлау – басқарудың жалпы функциясы, ол басқарудың объектісінің де, субъектісінің де қоса алғандағы болашақтағы жай – күйін белгілейді. Жоспар сайын келгенде неге қол жеткізу қажеттілігін, мұны қалай істей керектігін, жоспардың негізгі көрсеткіштері қандай және оны орындау уақыт пен кеңістік бойынша қалай өрістетілуі тиіс екенін көрсетеді. Сонымен, жоспарлпау ұйым алдындағы мақсаттар мен оларды тиімді жүзеге асырудың жолдарын анықтайтын басқару әрекеті болып табылады.
Ұйымдастыру функциясы жоспардың (бағдарламаның) орындалуын қамтамасыз етуге тиісті ұйымдық құрылымды жүзеге асыру. Аталған функциясының мақсатты – басқаруды және басқарушы жүйлерді, сондай – ақ, олардың арасындағы байланыстар мен қатынастарды қалыптастыру. Осы мақсатта басшылық өкілеттіліктер мен жауапкершілікті қолданады. Басқарудың басты міндеттерінің бірі – ұйым мақсатытна жету барысында адамдық ресурстарды тиімді пайдалану. Басшылық көзделген нәтижеге тиімді жету үшін жұмысты дұрыс үйлестіріп, адамдарға жүктелген міндетін орындата біліуі тиіс. Өз шешімін жүзеге асыру үшін басшы мотивациялық негізгі қағидаларын қолданады. Басқаруға қатысты мотиватциға алға қойылған мақсатқа жету барысында ұйым мүшелерін іс – қимылға ынталандыру, жандандыру деген анықтама беруге болады. Тиімді ынталандыру үшін басшылық ішкі қозғаушы күштерді (мотитерді), қажеттіліктер мен сыйлық жүйесін қолдануы тиіс.
