Нэ = Oэ нэ/ Т
мұнда Oэ – кезең ішінде берілген элементтің айналымы (шығыны, шығарылуы)
Т – кезең ұзақтығы;
нэ - берілген элементі бойынша айналым капиталының мөлшері.
Өндірістік қордың белгілі бір элементі бойынша бір күндік шығыны бір тоқсанда өндіріске керекті деп саналған шығынның қосындысын тоқсан күнге бөлгеннен кейін табылады. Дайын болмаған өндірістік өнімнің бір күндік айналымдылығын бір тоқсанда өндірілетін жалпы өнімнің өзіндік құнын тоқсан күнге бөлгенде анықталады. Дайын болған өндірістік өнімнің бір күндік айналымдылығын бір тоқсанда өндірелетін тауарлы өнімнің толық өзіндік құнын тоқсан күнге бөлгенде анықталады.
Айналым капиталының үш маңызды элементтерін мөлшерлеудің негізгі қағидаларын қарастырайық:
1) шикізат, негізгі материалдар мен сатып алынатын жартылай фабрикаттарды;
2) аяқталмаған өндіріс өнімдерді;
3) дайын өнімді.
Материалдарға жұмсалатын меншікті айналымды капиталының нормативі біркүндік материалға кеткен шығынның құнын айналымды капиталдың күнмен саналған мөлшеріне көбейту арқылы анықталады.
Достарыңызбен бөлісу: |
