Роберт Кийосаки Шэрон
жүктеу/скачать 0,81 Mb.
|
baj-ake
| Роберт Кийосаки Шэрон Л.Лектер Бай əке, кедей əке Бай ата-аналар балаларын неге үйретеді, кедей ата-аналар балаларын неменеге үйретпейді! Арнау Бұл кітап балалардың ең басты оқытушылары бүкіл əлемдегі ата- аналарға арналады. Əрине, бұл кітаптың өз оқырмандарын желілік маркетинг пен тікелей сауда немесе электрондық сауда саласында табыс табу жолында жүрген адамдар арасынан табары сөзсіз. Көптеген жанның ақша сауаттылығын қажет ететіні белгілі. Əлемдік бестселлерге айналған осы кітап сол мəселені шешудің нақты құралы екендігін сатылым тиражының өзі-ақ айқындайды. Алғыстар Бір мезетте сонша адамдарға калай рахмет айтуға болады? Əрине, ең алдымен осы кітап үшін менің өмірімде өте маңызды рөл атқарған екі əкеме жəне махаббат пен суйкімділікке үйреткен анама рахметімді айтамын. Дегенмен, осы кітаптың жазылып шығуына тікелей ықпал еткен азаматтарға ризашылығымды білдіремін, солардың ішінде: жұбайым Кимге,онсыз менің өмірім толыққанды болмаған болар еді, ол менің отбасымда жəне бизнесімде серіктесім болды. Онсыз мен,өз өмірімді көз алдыма елестете алмаймын. Кимнің ата-анасы Уинни жəне Билл Мейерамдарға осындай қыз өсіріп, тəрбиелегендері үшін рахметімді айтамын. Осы кітаптың шашылып жатқан бөлімдерін бір жүйеге келтіріп,жинақтап басып шығаруға ат салысқан Шэрон Лектерге ,оның жұбайы Майклге заңдылық мəселелері бойынша кəсіби кеңес көмегі жəне олардың балалары Филипп, Шеллиге жəне Рикке қосылып атқарған жұмыстары үшін алғысымды айтамын. Кит Каннингемге қаржылық даналығы жəне ынталандырғаны: Ларри жəне Лайзу Кларкке достығы жəне қолдауы; Рольф Партаға техникалық даналығы: Энни Невинге, Бобби Депортерге жəне Джо Чейпоноға оқыту жөніндегі берген кеңестері; Джон Харрисонға, Дженни Тэйге, Сэнди Кхуға, Ричард жене Вероника Танға Питер Джностонга жəне Сьюзи Дафниске, Жаклин Сьюға, Нила Хенсонға, Майкл жəне Монетт Хэмлинге, Эдвина жəне Камила Кхуға, К.С.Сиге жəне Джесики Сигекəсіби көмектері; "Инсунк" компаниясынан Кевин жəне Сараға тамаша графикалары: Джон жəне Шери Берлиге,Синди Шопоффке, Вэна Тарпаға, Дайана Кеннедейге, С.В.Алленге, Мəрил Дейнанға, Ким Əрриске жəне Том Вайзенборонға қаржылық тапқырлықтары үшін рахметімді айтамын. Сэм Джорджеске, Энтони Роббинске, Эниду Винуге Лоренс жəне Джейн Тейлор-Уэстке, Алан Райтуға, Зигу Зигларға ашық ой- пікірлері; Дж. У.Уилсонға, Марти Уэберге, Рэнди , Дона Мюллерге, Брод Уокерге, Блəр жəне Эйлин Сингирге,Уэйну жəне Лини Морганга, Мили Бреннанға, Джерома Саммерсуге, доктор Питер Пауарске, Уилл Хепбернге, доктор Энрико Тойчерге, доктор Роберт Маринга, Бетти Ойстерге, Джули Белденге, Джеми Дэнфорка, Чери, Рик Мерикаға, Джойс Джитхайдке, Джефф, доктор Том Бернске жəне Билл Гэлвинге достықтары жəне менің жобаларымды қолдағандары: "Орталық Манагерц" мекемесіне жəне кəсіпкерлер үшін "Сен жəне ақша" бизнес-мектебінің он мыңдаған , сондай-ақ Фрэнк ,Клинт Миллерге, Томас Алленге жəне Норман Лонгке тамаша бизнес серіктестері үшін үлкен ықыласыммен мында бір алғысымды айтамын. Бұл барлығына қажет. Кіріспе Мектеп баланы əлемнің нақтылы жағдайларында өмір сүруге дайындай ма? "Жақсы оқы, жоғары бағалар ал, сонда ғана сен үлкен жалақылы жəне көптеген жеңілдіктері бар жұмыс табасың"- деуші еді менің əке- шешем. Олардың негізгі мақсаты, бізге апамыз екеуімізге, университеттік білім беріп, келешекте табысты болуымыздың мүмкіншіліктерін қамтамасыз ету болатын. 1976 жылы мен бухгалтерлік іс бойынша мамандық алып шықтым (Флорида университетін қызыл дипломмен аяқтадым) ата-анамның арманы орындалды. Олардың "Үлкен жоспарларына сəйкес" мені бір ірі бухгалтерлік фирма жұмысқа алды. Сөйтіп, менің алдымда қызмет басқышымен жоғары көтерілу жолдары жəне зейнетке ертерек шығу мүмкіншілігі тұрды. Менің жұбайым Майклдың да өмірі маған ұқсас болатын. Біз, екеуімізде табыстары қарапайым, еңбекке аса құрметпен қарайтын отбасыларында өстік. Майкл да кызыл диплом алды, бірақ екі рет алдымен инженерлік, содан кейін заңгерлік. Оған Вашингтонда құқықтық патентпен айналысатын беделді заңгерлік фирмада жұмыс атқару ұсынылды. Оның келешегі айқын жəне ашық тəрізді, бəрімізде ол қызмет бабында үлкен лауазым мен үлкен мансапқа жетеді деген нық сенімде болатынбыз. Шындығында, біз екеуімізде айтарлықтай мансапқа ие болдық, бірақ соңында барлығы да, мүлдем біз күткендей болмай шықты. Əр түрлі себептермен, біз жұмыс орындарымызды бірнеше рет ауыстырдық, енді фирма келешекте бізге үлкен зейнетақы төлемейтін болады. Біздің зейнетақы корымыз тек қана өзіміздің жеке салымымыздың мөлшері бойынша өсетін болады. Майкл екеуіміздің жанұямыз тамаша, үш сүйкімді балаларымыз бар. Қазір осы кітапты жазып отырған уақытта екеуі колледжде оқиды, ал үшіншісі жоғарғы класс оқушысы. Балаларымыз үлкен білім алып шығу үшін көп қаржы жұмсадық. 1996-жылдың бір күнінде ұлдарымның біреуі мектептен өте ренішті оралды. Ол оқудан шаршаған, бұның барлығы оны тойдырған сияқты. "Келешекте ешқандай да маған қажетті жоқ сабақтарды оқуға мен уақытымды неге босқа өткізуге тиіспін?"-деді ол ренішті түрде. Мен көп ойланбастан: -Егерде сенің бағаларың жаман болса, сені колледжге қабылдамайды ғой,- дедім. -Онда мені қабылдай ма, əлде қабылдамай ма, мен бəрібір бай боламын деп,қарсылық білдірді. Егерде сен колледжді бітірмесең, онда сен жақсы жұмыс таба алмайсың, дедім мен сəл қорқынышпен. Ал жұмыссыз сен қалай байыйсың? Бұл жөнінде кашанғы қайта-қайта айта беруге болады?- деді ұлым кекесінді күлкімен басын шайқап. Менің айтқан аналық ақылым, оның тарапынан ешқандай қолдау таппады. Дегенмен, ұлым өзінің еркіндігіне қарамастан, əрқашан кішіпейіл жəне сүйкімді бала болатын. -Мама,- деді ол. Енді оны таңдауға менің кезегім келді. Сен уақыттан қалыс қалып қойып отырсың! Жан-жағыңа қарашы, ен үлкен байлар біліміне байланысты бай болмайды. Майкл Джордана мен Мадоннаға қарашы. Тіпті Билл Гейтс, Гарвард университетін аяқтамаса да "Майкрософт" негізін құрып, жасы қырыққа толмаса да қазір Америкадағы ең бай адам. Ал бір бейсболшы оған "ақылы кем" деген айдар тағылса да жылына төрт миллионнан астам табыс табады. Біз көпке дейін үнсіз қалдық. Сонда менің түсінгенім: мен ұлыма, баяғыда өз əке-шешемнен естіген ақылымды айтумен болған екенмін. Бізді коршаған əлем өзгерген,бірақ ой-өрісіміз, бірер кеңестеріміз ескілікті деңгейде өзгеріссіз қалған. Біздің балаларымыздан басқа, жақсы оқу, жоғарғы баға алу- табыс кепілдігі емес екенін, ешкімде байқамайтын тəрізді. -Мама -деді əрі қарай ұлым, мен сендер сияқты жұмыс істегім келмейді. Сендер жақсы табыс табасыңдар жəне біз жақсы үйде тұрамыз. Егерде, сенің айтқаныңды тыңдасам, онда менде сендер сияқты өмір сүруім керек, себебі: үлкен салықтарды төлеп отыру үшін, əрдайым көп жəне одан да көп жұмыс істеуім қажет, ең соңында қарызға белшемнен батамын. Біздің дəуірімізде тұрақты жұмыс болмайды.Жұмыстан босату мен қысқартудың не екенін мен білемін. Соңғы кезде университет бітірушілер, сенің кезіңдегіден жалақыны кем алатындығын тағы білем. Мысалы, дəрігерлер. Олар бұрынғыдай көп табыс таба алмайды. Мемлекет немесе компания зейнетақысына сенімділікпен қарауға болмайтындығын да білемін Маған осындай көптеген күрделі сұрақтардың барлығына жаңа жауаптар қажет. Расында оныкі шындық еді. Оған жаңа жауаптар қажет болса, маған да сондай қажет еді. жүктеу/скачать 0,81 Mb. Достарыңызбен бөлісу:
|