Сабақта жұмыс жасау үшін жағымды атмосфера туғызады.
Педагог балалармен «Ойлан тап» дидактикалық ойынын ойнайды. Шарты: педагог балалардың білетін шығармаларынан үзінділер оқиды. Балалар оның қай шығарма иекенін айтады.
-Біраз жүрген соң әкесінің қолынан бір шие жерге түседі.
-Ы.Алтынсарин «Әке мен бала әңгімесі»
-Тышқан наубайханаға келді. Мұнда көп адам нан пісіріп жатыр.
-«Нан қайдан келеді ертегісі»
-Тапқан екенсің дәмді тамақты
-«Не дәмді ертегісі»
-Шырылдауық шегіртке,
Көгалды қуып гөлайттап.
-А.Құнанбаев «Шегіртке мен Құмырсқа»
-Дұрыс.
Бүгін сендер өте қызықты ертегі оқып беремін.
Ертегі «Жыл басына таласқан жануарлар» деп аталады.
Педагог балаларға ертегіні оқып,түсіндіреді.
Мазмұнына сәйкес сұрақтар қояды.
-Ертегі қалай аталады?
-Ертегінің басы қалай бпасталады?
-Ертегі қалай аяқталады?
-Түйе неге жыл басы бола алмады?
Сөздік жұмысы:
Жусан-ащы дәмді,көкшіл,бозғылт түсті аласа шөп.
Жабағы-қой мен түйенің көктемде қырқып алған қысқы жүні.
Бақташы-мал бағушы.
Өркеш-түйенің арқасына бір не екі айыр болып тік шаншылған қомы.
Сергіту сәті.
Саусақтарым бір-бірімен амандасайық.
Саусақтардан гүл ашайық,
Саусақтарды ашып-жұмып
А-ә,г-ғ,ү-ұ,н-ң,к,қ, о-ө
Дыбыстарын дұрыс айтайық.
«Кім зерек» логикалық ойыны.
«Қайсысы қалай дыбыстайды?» жануарлардың дыбыстарын айыру.
Тыныштық сәті.
Балалар көздерін жұмып қыс көріністерін елестетеді.
Е. Өтетілеуұлының «Жыл аттары» өлеңін оқып беру,жаттату.
Дәптердегі қазақша жыл аттарын айту: тышқан,сиыр,барыс,қоян,ұлу,жылан,жылқы,қой,мешін,тауық,ит,доңыз жылдары.
Балалар өздерінің қай жылға жататынын біледі және ата-анасынның қай жылы туылғанын болжамдайды,әр туған адамдардың қандай болатынын жобалап айтады.
Балалар бір-біріне сипаттама береді.
Өзін және өзге балаларды бағалайды
Педагог балалардың көмегімен сабақты қорытындылайды, әртүрлі пікірлерді тыңдайды.
| 
