1Хроматографиялық қағазға ерітінділерді сіңіру Хроматографиялық қағаздан ұзындығы 30 см етіп жолақ қиып аламыз (ені зерттелетін үлгілердің санына және хроматографиялық камераның құрылысына байланысты). Қағаздың екінші шетінен ара қашықтығы 1-2 см қара карандашпен сызық сызып алып, оның үстіне арасы 2-2,5 см етіп бірінен кейін бірі келетін төрт нүкте белгілеп алады. Осы нүктелерге шыны капиллярдың көмегімен анықтайтын ерітінділердің аздаған мөлшерін тамызады. Бір нүктеге амин қышқылдарының қоспасын тамызса, ал қалған үшеуіне бөлек-бөлек белгілі амин қышқылдарының стандарт ретінде - α-аланиннің, α-глутамин қышқылы және α-лейциннің ерітіңділері тамызылады. Әр нүктеге тамызылған 1 тамшы кепкеннен кейін 2-ші, ол кепкеннен соң 3-ші тамшыны тамызып, ауа ағынында кептіріліп отырылады.
