№1 дәріс тақырыбы. Қазіргі әлеуметтік-мәдени жағдайдалардағы білім берудің рөлі мен ерекшеліктері
Қазіргі мектепте білім беру мазмұнын анықтайтын құжатттар, оларға
жүктеу/скачать 2,9 Mb. Pdf көрінісі
|
педагогика
| Қазіргі мектепте білім беру мазмұнын анықтайтын құжатттар, оларға
сипаттама. Білім мазмұнын жобалауда белгілі бір иерархияны құрайтын, білім мазмұнын қалыптастырудың үш негізгі деңгейін көрсетуге болады: жалпы теориялық деңгейі, оқу пәні деңгейі және оқу материалы деңгейі. Жалпы теориялық деңгейде білім мазмұны оқыту жоспарында көрсетіледі. Білім мазмұны оқыту пәнінде нақтыланады. Оқыту пәні – ғылыми білімдер, практикалық іскерліктер және дағдылар жүйесі, ғылымның негізгі қағидалары немесе мәдениеттің, еңбектің, өндірістің бір жақтары. Оқыту бағдарламасы оқыту пәні бойынша білімдердің, іскерліктердің және дағдылардың мазмұнын, негізгі дүниетанымдық идеяларды игеру логикасын тақырыптар ретін көрсете отырып ашатын, оларды оқуға бөлінетін уақыт мерзімін көрсететін нормативтік құжат. Ол пәнді оқытудың рухани және ғылыми бағыттылығын анықтайды. Бағдарламада оқу материалдарының оқу жылдары бойынша және мектептің әр сыныбы ішіндегі орналасу құрылымы көрсетіледі. Оқушылардың бағдарламалық білімдерді, іскерліктерді және дағдыларды игеру деңгейі оқытту процесінің тиімділігін анықтаудың негізгі критерийнің бірі болып табылады. Оқыту бағдарламаларының жалпы құрылымы үш элементтен құралады: түсініктеме хат (пәннің мақсаты, міндеттері, оқу пәнінің негізінде жатқан жетекші ғылыми идеялар), мазмұны (тақырыптық жоспар, тақырыптардың мазмұны, негізгі түсініктер) және негізінен білімдерді, іскерліктерді және дағдыларды бағалауға қатысты кейбір әдістемелік нұсқаулар. Білім беру мазмұнын оқыту материалы деңгейінде жобалау оқу әдебиеттерінде іске асырылады. Оқу әдебиеттеріне оқулықтар және оқу құралдары жатады. Оқу әдебиеттерінің ішінде мектеп оқулықтары ерекше орын алады. Оқулықтар құрылымы және мазмұны бойынша пәннің оқу бағдарламасына толық сәйкес келеді. Оқулықтың құрылымында негізгі компонент ретіндегі мәтіндермен қатар мәтіннен тыс, қосымша компоненттерден де тұрады. Оқулықтар ғылым негіздерін мазмұндаумен қатар оқушылардың оқу материалдарын меңгерту үшін олардың өзіндік жұмыстарын да ұйымдастырады. Оқулық ғылым логикасын, оқу бағдарламасы логикасын және тұлға дамуы логикасын бірлікте қарастырады. Оның негізіг қағидалары, қорытындылары анық және нақты болуы керек. Сонымен қатар оқушылардың танымдық кызығушылығын тудыратын проблемалық мазмұндау да болуы қажет. Біллім беру мазмұны әртүрлі оқу құралдарында (хрестоматиялар, математика, физика, химимя пәндері бойынша есеп жинақтары, география, биология пәндері бойынша атластар және т.б.) да ашылады. Олар оқулықтың кейбір жақтарын толықтырады. Оқу құралдарының мақсаты оқытудың нақты міндеттерін шешу. Білім стандарты негізгі нормативтік құжат болып есептеледі. Білім стандарты саяси-әлеуметтік және мәдени мәнді білім кеңістігінің бірлігін қамтамасыз ететін республикада жалпы білім беретін мектептердің әрі қарай дамуына қолайлы жағдай туғызады. Қоғамдағы жеке тұлғаның қажетін өтеуге бағытталған, білім берудің мемлекеттік нормасы білім стандарты сапалы білімділік жүйесі арқылы түсіндіріледі. Білім стандартының объективті негізі оның мазмұны оқу жүктемесінің көлемі және оқушыларды дайындау деңгейінің көлемі болып табылады. Әрбір объектіде белгіленген негізгі білімге қойылатын талап және норма білім сапасын анықтайтын эталон спеттес негізінен білім стандарты оқу процесіне қатысты іс-әрекетті ұйымдастыруды реттейтін жалпы орта білім сапасынынң белгіленген нормаға сәкес оған қойылатын талапқа сай бағытталуы тиіс. жүктеу/скачать 2,9 Mb. Достарыңызбен бөлісу:
|