Сыртқы қаржылық талдау – жарияланған қаржылық есептілік негізінде жүзеге асырылады және мүддесі бар контрагенттердің, меншік иелерінің тапсыруымен ұйымның сыртынан жүргізіледі. Оны орындауға маман талдаушылар, яғни ұйымға қатысы жоқ тұлғалар шақырылады.
Ішкі қаржылық талдау – ұйымның қаржылық жағдайының қалыптасқан себептерін зерттейді.Ұйым активтерінің пайдалану тиімділігін, көрсеткіштердің өзара байланыстылығын анықтайды.
Қаржылық талдаудың мынадай ерекшеліктері бар:
талдау субъектілерінің көптігі;
талдау субъектілерінің мақсаттары мен мүдделерінің әр түрлілігі;
талдаудың жариялы сыртқы есептілікке сүйенуі;
ақпаратты пайдаланушылар үшін талдау нәтижесінің ашықтығы.