Шаруашылық субъектілеріңің қаржы-шаруашылық қызметін экономикалық талдау екіге бөлінеді: басқарушылық және қаржылық. Мұндай бөлу коммерциялық құпияны сактау заңы іс - әрекетімен негізделген және тәжірибе жүзінде жалпы бухгалтерлік есеп жүйесінің ұйым көлемінде басқару және қаржылық есепке бөлінуімен түсіндіріледі.
Басқарушылық талдауды жүргізу үшін негізінен мәлімет көзі болып басқарудағы есептілік табылады.
Басқарудағы есептілік – өнімнің жекелеген түрлерінің өзіндік құны жайлы немесе сұранысы төмен тауарлардың өзіндік құны туралы және т.б. мәліметтері бар, сыртқы тұлғалардан қатал құпияда ұсталынатын есептілік.
Қаржылық есептілік – бұл ұйымдағы жағдайын білуі үшін, оның қаржылық жағдайы мен шаруашылық қызметінің есеп беру жылындағы нәтижесімен танысуы үшін акционерлерге, банктерге, сақтандыру компанияларына, мемлекет ұйымдарына арнайы анықтамалықтарда, қаржылық газеттерде, бюлетеньдерде жарияланатын есептілік.
Басқаруашылық талдау тек ішкі, ал қаржылық талдау өз кезегінде ішкі және сыртқы болып бөлінеді.
Басқарушылық талдау шартты түрде өндірістік және қаржылық болып екіге бөлінеді.
