1-кезең. Бағдарлау- мотивациялық кезең. Үй тапсырмасын тексеру.
Үйге берілген тапсырманың мазмұнын тақтаға жазылған сұрақтар арқылы сұрау, тексеру.
Ой қозғау. Тест сұрақтары арқылы жаңа сабаққа шығу.
1. «Балалар, бұл жол басы –даналыққа,
Келіңдер, түсіп байқап, қаралық та» деген өлең жолдары қай шығармада айтылғанын тап.
а) «Оқуға шақыру»;
ә) «Қарағым».
2. Аталған шығарманы кім жазған?
а) М.Жұмабаев;
ә) А. Байтұрсынов.
3.Ең алғашқы оқулығыңды ата.
а) «Қазақ тілі» оқулығы;
ә) «Әліппе» оқулығы.
— Бүгінгі сабағымыздың тақырыбы «А.Байтұрсыновтың шығармалары» жинағынан үзінді «Әліппенің атасы».
Осы тақырыпқа қарай отырып, бүгінгі сабақтағы мақсатымыз қандай?
О: -А.Байтұрсыновтың өмірбаянымен танысу, оқып үйрену.
Өмірдерек. Тірек сөздер схемасы арқылы жаңа сабақты түсіндіру
Сөздікпен жұмыс.
жер аудару — адамды соттап, алыс жерге жіберу: Сібірге т.б.
сөз мұрасы — ел ішінде сақталып қалған аңыз, ертегі, жырлар.
«Артық білім – кітапта». (Оқулықпен жұмыс)
2-кезең. Операциялық — орындаушылық кезең. (Жаттығулар орындау)
Поэзия минуты.
Оқушылар А.Байтұрсыновтың «Оқуға шақыру» өлеңін жатқа айтады.
Сәйкестендіру тесті.
Екі бағанда дара, мағынасы, мазмұны жағынан бір-біріне сәйкес келетін сөздер беріледі. Оқушылар сәйкес сөздерді сызықпен қосады.
Топтастыру стратегиясы. Оқушылар А.Байтұрсынов кім? деген сұраққа жауап жазады. (ақын, мұғалім, ғалым, аудармашы).
Полиглот. Оқушылар берілген сөздерді қазақ, орыс, ағылшын тілдерінде айтады.
ғалым- …
мұғалім- …
аудармашы- …
ақын- …
Блок тапсырма. «АС» картасы.
Екі бағанға сөздер жазылады, оқушылар сөздерді оқып, есте сақтаулары қажет. «Күн мен түн» ойынын ойнау арқылы оқушылар көздерін жұмған кезде екі блоктан да бірнеше сөздер алынып тасталынады. Оқушылар жоғалған сөздерді орнына қойып жазады.
оқулық Торғай
өлең Орынбор
әліппе Қарқаралы
аударма Байтұрсын
мақала Ахмет
«Мақал – сөздің мәйегі». Оқушыларға тақтада жазылған бірнеше мақалдың ішінен бүгінгі сабақтың тақырыбын, мазмұнын, мағынасын айшықтайтын мақалды тауып, оқып беру тапсырылады.
Ой түйіндеу. Бүгінгі өтілген тақырыптың мазмұны бойынша сұрақтарға жауап алу.
