17. Қақырық тастау.
Қақырық тыныс жолдары арқылы сыртқа шығатын патологиялық сұйық зат. Қақырықтың пайда болу механизмі тыныс жолдарында қабыну және басқа элементтердің жиналуынан, бронх кілегей қабығы эпителиясының сыртқа бағытталған қозғалысынан, бронх қабырғасы еттерінің жиырылуынан және жөтел актісінен тұрады. Бұл шағымды жіктей отырып, қақырықтың қай мезгілде көп бөлінетінін, қақырықтың мөлшерін, түсін, иісін, және түрін анықтау керек.
Өкпе абсцесі мен бронхоэктаз ауруында қақырық өте көп бөлініп шығады
Қақырық түсі: түссіз қақырық бронхит, бронхопневмонияға тән. Көк түсті қақырық іріңді ауруларда, қақырықтың түсі қақырықпен қан түскенде өзгереді.
Сасық иіс өкпе абсцесінде, шірік иіс- өкпе гангренасында кездеседі. Қақырықтың түріне қарай бөлінеді:кілегейлі, іріңді, кілегейлі-іпріңді, қан аралас.
Кілегейлі қақырық-бронхитқа, пневмонияға тән, іріңді қақырық - өкпе абсцесіне, гангренаға тән. Егер қақырықта қан пайда болса мейірбике тез арада дәрігерге хабар беруі керек