1.ПӘН ТУРАЛЫ ЖАЛПЫ МӘЛІМЕТТЕР: Пән оқытушысы: Ахметова М.К., оқытушы, e-mail адрес: majiko.a@gmail.com,
ID: 283 815 09 00
ЕСКЕРТУ!
Пән оқытушысы туралы қосымша мәліметтер университеттің arsu.kz/ru ресми сайтында және университет профессорлық-оқытушылық құрамының қызметін бағалаудың рейтингтік жүйесінде көрсетілген.
Видеоконференцияға арналған Zoom қосымшасын қолдану үшін конференция идентификаторын пән оқытушысы көрсетеді.
1.1 ПӘННІҢ ҚЫСҚАША СИПАТТАМАСЫ:
Жалпы физика курсы, оның ішінде «Оптика» бөлімі физиктер мен техникалық мамандарды дайындаудың жалпы жүйесіндегі негізгісі болып табылады. Мұнда білімнің іргелі базасы қалыптастырылады және оның негізінде келешекте теориялық физика курсы мен арнайы курстардың төңірегінде физиканың барлық тарауларын анағұрлым терең және мұқият дамытуға болады. Осыған сәйкес «Оптика» пәніне қойылатын негізгі талаптар: классикалық физиканың бірегей тәсілдері шеңберінде бізді қоршаған табиғат әлемінің бірегей, тиянақты, логикалық кереғар емес физикалық бейнесін қалыптастыру, табиғатта болатын және техникада қолданылатын барлық негізгі оптикалық құбылыстармен және процестермен таныстыру, таза сапалық түсініктермен қатар мөлшерлік тұрғыдан қабылданған жуықтаулар шеңберінде нақты есептерді шешуге үйрету.
Оптика – жарықтың қасиетін және физикалық табиғатын, сонымен қатар оның заттармен әсерлесуін зерттейтін физиканың бір бөлімі. Жарықты оқытуды үш бөлімге бөледі: геометриялық оптика, оның негізінде жарық сәулелері жайында ұғымдар қалыптасқан; толқындық оптика – жарықтың толқындық қасиеттері көрінетін құбылыстарды зерттейді; кванттық оптика – жарықтың корпускулярлық қасиеттерін көрінетін жарық пен зат арасындағы әсерлесуді зерттейді.
