ЭСЕР КЕСЕЛ ШЫҒАРДЫ Социал-революционерлер партиясын қысқаша эсер деп жүр. Осы эсер партиясының сол
қанаты большевиктермен от болып, октябрьде мемлекет тізгінін бірге алысып еді. Әнеугі
Мәскеуде болған советтер сиезі бітім шартын бекіткеннен кейін эсер партиясының сол
қанатындағылары «Россия өмірі оңбайтын бітім жасадыңдар» деп большевиктерден
айырылып кетіпті.
Және бұлар жұртқа айтып отыр: большевиктің бітімін бітім демейміз һәм Россия бұл
бітімге көнеді деп айта алмаймыз деп.
Большевиктермен бірігіп іс қылып жүрген адамдары тегіс қызметтерін тастап шығыпты.
Совет хүкіметіне халық комиссары болып кірген Дивенке дегені жабылыпты.
