2 ҚҰЛАҚтандыру
жүктеу/скачать 1,47 Mb. Pdf көрінісі
|
alash kosemsozi 10 tom
| Басқарма: үйездің қара бұқара кедейлері жиылып, үйез басы бір кісі өкіл сайлап, елді
совет билесін, комитет біткен жойылсын, жұртты жиып құртатын болды дегені — елдің есі кіргендігі. Адам болайын, адамдың правомды алайын дегені ғой. Бүйтіп есі кіріп, етегін жабатын ел болса, тегі біз тез жұрт болады екеміз. Ел өзі жұмылып тұрса, жалмауыздарды жою оңай ғой. Көп қорқытады, терең батырады. Күш — көпте, бұқарада. Бірақ кішкене күдіктенеміз. 5 үйез елдің бұқарасы жиылып, 5 өкіл сайлап, Семейге жіберді ме екен? Тым болмаса, үйез-үйезінде сайлады ма екен? Және осы 5 өкіл басын қосып, большевик хүкіметіне берген арызына түгел қолдарын қойды ма екен? Осының бәрі өкілдікке жарайтын адамдар ма екен? Бір облыс елдің бұқарасы үйез басы өкіл сайлап жатса, бірі болмаса, бірі естілсе керек еді. Өзгеміз мешеу болса да, ұзынқұлағымыз жатпаушы еді. Биыл комитет сайлағанда байдан батып, кедей ешнәрсе айта алмаушы еді. Бір облыста 102 болыс бар, соның бәріндегі комитет неғып сыпыра жалмауыз болып кетті?! Көбі-ақ жалмауыз болсын, неғып қазақ бірауыз боп өкіл сайлай қойды?! Өкіл сайласын-ақ, көп жағы бүктеген шығар, неғып Семей үйезінен өкіл болуға Шаған елінің қазағы (бай) буржуй Мұсатайдың жылқышысы Көпежан Маңызовтан басқа мал бақпай, сөз бағып жүрген бір адам табылмады?! Қарқаралы үйезі Семейде жүрген Хасен Ақаевтің жолдасы Жансұлтан Момыновты сайлай қойды ма екен?! Нарын елінің қазағы Омар Шерубай баласын Зайсан үйезі өкіл сайлады ма екен?! Қарабұжыр елінің қазағы Сақпан Әбділда баласын Өскемен үйезі сайлады ма екен?! Сәлиман Байтоғаевты Павлодар үйезі сайлап па екен?! Көзіміз жетпейді. Бұл туралы я сол кісілердің елі, я өздері жауап берер. Біздің айтатынымыз: тегінде бұл жұмыс қусынған мырзалардың бықсымасы болуға керек. Заманның түріне төңкеріліп бетін бояй қою, подлог жасай қою өзіміздің қулардың қолынан келе беруші еді. Көнек сұрайтын күн болса кедей бола қап, кедейдің сойылын 117 соға қап жүрген мырзалар нағыз дүмбілез — буржуйдың өзі боп шығып, байпағын қонышынан басып жүрмесе нағысын?!... жүктеу/скачать 1,47 Mb. Достарыңызбен бөлісу:
|