ЖАЛПЫӘСКЕР ҚЫЗМЕТІ Мәскеу. (24 март) әскер народный комиссарының жарнамасы: «Совет Республикасының
басына дүниеде болмаған қалың тұман түсті. Бұл қатерден аман қалуға бір-ақ жол бар. Ол
жол - қажымай еңбек қып, әскер тәртібін түзету. Кедейлік алқымдаған халқымыздың
шаруасын оңдату керек. Николайдың қанішерлерінен совет Республикасын аман сақтап
қалуға керек. Осындай қаһарлы заманда әрбір ақ жүрек граждандар әрі жұмысшы әрі
солдат болу керек. Жақын арада жалпы жұртты әскер қызметіне үйретуге міндетті
қылатын закон шығады. Қаладағы, поселкелердегі граждандар қолына қару ұстап, бірінші
шақырғанда «дік» еткендей боп, отанын қорғауға даяр тұрсын. Оларды даярлау
инспекторлардың міндеті. Әскер қызметі жұмыстан қолы бос уақытта ғана үйретіледі.
Совет Республикасын қорғау үшін әскер қызметін үйренген уақытына ешкім ақы сұрап,
ауызын ауыртпасын. Бұл жұмыс алдымыздағы жақын жұмаларда болмақ».
